تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجترک الفت بہت بجا ناصح
لیکن اس تک اگر یہ بات گئی
ہاں یہ سرشاریاں جوانی کی
آنکھ جھپکی ہی تھی کہ رات گئی
اب جنوں آپ ہے گریباں گیر
اب وہ رسم تکلفات گئی
جلوۂ ذات اے معاذ اللہ
تاب آئینۂ صفات گئی
ہاں مزے لوٹ لے جوانی کے
پھر نہ آئے گی یہ جو رات گئی
قید ہستی سے کب نجات جگرؔ
موت آئی اگر حیات گئی
نہیں ملتا مزاج دل ہم سے
غالباً دور تک یہ بات گئی
ہر حقیقت سے جو گزر جائیں
وہ صداقت مآب ہیں ہم لوگ
دل دھڑکتے ہی پھر گئی وہ نظر
لب تک آئی نہ تھی کہ بات گئی
میں عشق بے نیاز ہوں تم حسن بے پناہ
میرا جواب ہے نہ تمہارا جواب ہے
مے خانہ ہے اسی کا یہ دنیا اسی کی ہے
جس تشنہ لب کے ہاتھ میں جام شراب ہے
کیا برابر کا محبت میں اثر ہوتا ہے
دل ادھر ہوتا ہے ظالم نہ ادھر ہوتا ہے
دن کا کیا ذکر تیرہ بختوں میں
ایک رات آئی ایک رات گئی
کچھ کھٹکتا تو ہے پہلو میں مرے رہ رہ کر
اب خدا جانے تری یاد ہے یا دل میرا
اے حسن اپنی حوصلہ افزائیاں تو دیکھ
مانا کہ چشم شوق بہت بے حجاب ہے
ان کے بہلائے بھی نہ بہلا دل
رائیگاں سعئ التفات گئی
تیری باتوں سے آج تو واعظ
وہ جو تھی خواہش نجات گئی
دل گیا رونق حیات گئی
غم گیا ساری کائنات گئی
سرمایۂ فراق جگرؔ آہ کچھ نہ پوچھ
اب جان ہے سو اپنے لیے خود عذاب ہے
ہم نے کیا کچھ نہ کیا دیدۂ دل کی خاطر
لوگ کہتے ہیں دعاؤں میں اثر ہوتا ہے