تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجگردشیں آسماں کو ہیں کیا کیا
اک اسی خاک زیر پا کے لئے
عشق کی وسعتیں خدا کی پناہ
حوصلہ چاہئے وفا کے لئے
وہ کافر آشنا نا آشنا یوں بھی ہے اور یوں بھی
ہماری ابتدا تا انتہا یوں بھی ہے اور یوں بھی
تعجب کیا اگر رسم وفا یوں بھی ہے اور یوں بھی
کہ حسن و عشق کا ہر مسئلہ یوں بھی ہے اور یوں بھی
ہم ان سے کیا کہیں وہ جانیں ان کی مصلحت جانے
ہمارا حال دل تو برملا یوں بھی ہے اور یوں بھی
عرق آلود چہرۂ تاباں
شبنم و آفتاب کا عالم
وہ مری عرض شوق بے حد پر
کچھ حیا کچھ عتاب کا عالم
وہ مجھ سے پوچھتے ہیں ایک مقصد میری ہستی کا
بتاؤں کیا کہ میرا مدعا یوں بھی ہے اور یوں بھی
لگا دے آگ او برق تجلی دیکھتی کیا ہے
نگاہ شوق ظالم نارسا یوں بھی ہے اور یوں بھی
الٰہی کس طرح عقل و جنوں کو ایک جا کر لوں
کہ منشائے نگاہ عشوہ زا یوں بھی ہے اور یوں بھی
نہ پا لینا ترا آساں نہ کھو دینا ترا ممکن
مصیبت میں یہ جان مبتلا یوں بھی ہے اور یوں بھی
مجازیؔ سے جگرؔ کہہ دو ارے او عقل کے دشمن
مقر ہو یا کوئی منکر خدا یوں بھی ہے اور یوں بھی
حسن کافر شباب کا عالم
سر سے پا تک شراب کا عالم
رنگ اڑنے لگا ہے پھولوں کا
اب تو آ جاؤ وقت نازک ہے
ہم نے تنہائیوں میں کیا کیا لطف
ایک آواز بے صدا کے لئے
ہمہ نور و سرور کی دنیا
ہمہ حسن و شباب کا عالم
دیر تک اختلاط راز و نیاز
یک بیک اجتناب کا عالم
وہ لب جوئبار و موسم گل
وہ شب ماہتاب کا عالم
زانوئے شوق پر وہ پچھلے پہر
نرگس نیم خواب کا عالم
دل مطرب سمجھ سکے شاید
اک شکستہ رباب کا عالم