تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجتو اور دعویٰ عشق کا یہ بھی خدا کی شان ہے
منصور بننے کے لئے دل چاہئے اے بو الہوس
جائے بہار آئے خزاں اس کا تردد کچھ نہیں
ہیں لالہ و گل سے سوا مجھ کو چمن کے خار و خس
طول غم و آزار نے ناشاد مجھ کو کر دیا
ہے ایک گھنٹہ ایک دن ہے اک مہینہ اک برس
کہنے کو ہے سارا جہاں سچے فدائی ہیں کہاں
دس میں نہ نکلے گا کوئی دس لاکھ میں نکلیں گے دس
کم بخت مرنے کے لئے صیاد کے گھر آئے ہیں
دیکھیں گے اب کیا سیر گل چھٹ کر اسیران قفس
قابو میں جب دل ہی نہیں تو کیا کہوں میں درد دل
بڑھ کر ہے تیغ و تیر سے میرے لئے میرا نفس
پہنچے سر عرش بریں امید تو ایسی نہیں
ہاتھوں ہی تک محدود ہے میری دعا کی دسترس
اے خضر آئے لطف کیا مشرب الگ مسلک جدا
مرنے کی حسرت مجھ کو ہے تم کو ہے جینے کی ہوس
سو بار دے کر جام و خم ممنون ساقی نے کیا
اس کا تقاضا تھا کہ پی میری گزارش تھی کہ بس
جام و سبو کا ذکر کیا بہتا پھرے خود مے کدہ
اے ابر رحمت ٹوٹ کر ایسا برس اتنا برس
کیا ابتدا کیا انتہا جو آئے گا وہ جائے گا
دنیائے فانی کچھ نہیں اللہ بس باقی ہوس
ان کے علاوہ کون ہے میرے قریں کوئی نہیں
یا دہنے بائیں آفتیں یا آرزوئیں پیش و پس
کب تک یہ سیل اشک غم کب تک یہ طوفاں خیزیاں
دنیا فنا ہو جائے گی اے نوحؔ بس اے نوحؔ بس
سرکشی وجہ افتخار نہیں
قد میں شمشاد سے بڑا ہے تاڑ
لطف و کرم سے کیا غرض قہر و ستم سے کام لے
بربادیٔ عشاق پر اپنی کمر مضبوط کس
ستیاناس ہو گیا دل کا
عشق نے خوب کی اکھاڑ پچھاڑ
عشق کے واسطے ہے دل کی آڑ
کوئی دیکھے یہ تل کی اوٹ پہاڑ
حسرتیں بعد مرگ جائیں کہاں
دفن کر مجھ کو اور انہیں بھی گاڑ
وہ خدا جانے گھر میں ہیں کہ نہیں
کچھ کھلا اور کچھ ہے بند کواڑ
خاک میری بھی اس میں شامل ہے
اپنے دامن سے گرد راہ نہ جھاڑ