تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجخوب آتا ہے لطف آزادی
جب یہ قید حیات جاتی ہے
کعبہ و دیر میں تو ڈھونڈھ چکے
وہ نہ ہو دل کے آس پاس کہیں
یہ خلاصہ ہے دفتر غم کا
کہیں شکوہ ہے التماس کہیں
پہلو میں چین سے دل مضطر نہ رہ سکا
دم بھر نہ رک سکا یہ گھڑی بھر نہ رہ سکا
اب اضطراب حد سے ہمارا گزر گیا
رکھا جو ہم نے ہاتھ تو دلبر نہ رہ سکا
نوحؔ جائیں گے بزم یار میں ہم
شوق سے بڑھ کے ہے ہراس کہیں
میں ہوں کہ نقش پا ہوں صبا ہو کہ مدعی
ان کی گلی میں کوئی بھی جم کر نہ رہ سکا
اے نوحؔ اب کہاں اسے لے جا کے پھینک دوں
لو ان کے پاس بھی دل مضطر نہ رہ سکا
میں پس ترک محبت کسی مشکل میں نہیں
دل بھی پہلو میں نہیں درد بھی اب دل میں نہیں
بو الہوس چل دیے سب جان بچا کر اپنی
صرف قاتل ہے کوئی کوچۂ قاتل میں نہیں
تم لے کے پھیرتے ہو جو دل کچھ سبب بھی ہے
کیوں کر نہ رکھ سکے اسے کیوں کر نہ رہ سکا
ڈوب کر پار اترتے ہیں اترنے والے
قعر دریا کا مزہ دامن ساحل میں نہیں
وقت مرنے کا جو آئے گا تو مر جاؤں گا
میرے نزدیک یہ مشکل کوئی مشکل میں نہیں
بس وہی قہر و غضب بس وہی آزار ستم
لطف کی بات کوئی آپ کی محفل میں نہیں
بھیج کر خط انہیں بلوائیں محبان سخن
کچھ بھی محفل میں نہیں نوحؔ جو محفل میں نہیں
جانے کو جائے فصل گل آنے کو آئے ہر برس
ہم غم زدوں کے واسطے جیسے چمن ویسے قفس
محشر میں اس بے درد سے گر پوچھ گچھ نے داد کی
آیا ہوں میں فریاد کو فریاد سن فریاد رس
ممکن نہیں میں چھٹ سکوں دام وفا و عشق سے
باندھے گئے سب دست و پا جکڑی گئی ایک ایک نس
رخصت ہوا بیمار غم بالیں سے اٹھے ہم نفس
تدبیر تو کرتے ہیں سب تقدیر پر کس کا ہے بس
قطع منازل میں کروں تو کس سہارے پر کروں
مفقود اہل کارواں مسدود آواز جرس