تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجآگے دریا تھے دیدۂ تر میرؔ
اب جو دیکھو سراب ہیں دونوں
سیر کر عندلیب کا احوال
ہیں پریشاں چمن میں کچھ پر و بال
دلی کے نہ تھے کوچے اوراق مصور تھے
جو شکل نظر آئی تصویر نظر آئی
دیدۂ تر پہ شب رکھا تھا میرؔ
لکۂ ابر ہے مرا رومال
اس کی تو دل آزاری بے ہیچ ہی تھی یارو
کچھ تم کو ہماری بھی تقصیر نظر آئی
کیا ہے پھر کوئی دم کو کیا جانو
دم غنیمت میاں جو فرصت ہے
سبزہ نو رستہ رہ گزار کا ہوں
سر اٹھایا کہ ہو گیا پامال
زخم بن غم بن اور غصہ بن
اپنا کھانا حرام ہوتا ہے
مغرور بہت تھے ہم آنسو کی سرایت پر
سو صبح کے ہونے کو تاثیر نظر آئی
قتل کو میں کہا تو اٹھ بولا
آج کل صبح و شام ہوتا ہے
گل بار کرے ہے گا اسباب سفر شاید
غنچے کی طرح بلبل دلگیر نظر آئی
جس جگہ دور جام ہوتا ہے
واں یہ عاجز مدام ہوتا ہے
پوچھ مت آہ عاشقوں کی معاش
روز ان کا بھی شام ہوتا ہے
تیغ ناکاموں پہ نہ ہر دم کھینچ
اک کرشمے میں کام ہوتا ہے
ہم تو اک حرف کے نہیں ممنون
کیسا خط و پیام ہوتا ہے
یہ چشم آئینہ دار رو تھی کسو کی
نظر اس طرف بھی کبھو تھی کسو کی
شیخ کی سی ہی شکل ہے شیطان
جس پہ شب احتلام ہوتا ہے
آخر آؤں گا نعش پر اب آہ
کہ یہ عاشق تمام ہوتا ہے
میرؔ صاحب بھی اس کے ہاں تھے پر
جیسے کوئی غلام ہوتا ہے
سحر پائے گل بے خودی ہم کو آئی
کہ اس سست پیماں میں بو تھی کسو کی