مکمل شاعری
کیوں نہ دیکھوں چمن کو حسرت سے
آشیاں تھا مرا بھی یاں پرسال
طبع غم تو گئی طبیب ولے
پھر نہ آیا کبھو مزاج بحال
سیر کر عندلیب کا احوال
ہیں پریشاں چمن میں کچھ پر و بال
دیدۂ تر پہ شب رکھا تھا میرؔ
لکۂ ابر ہے مرا رومال
سبزہ نو رستہ رہ گزار کا ہوں
سر اٹھایا کہ ہو گیا پامال
سرد مہری کی بسکہ گل رو نے
اوڑھی ابر بہار نے بھی شال
ہجر کی شب کو یاں تئیں تڑپا
کہ ہوا صبح ہوتے میرا وصال
ہم تو سہہ گزرے کج روی تیری
نہ نبھے پر اے فلک یہ چال
— مير تقی میر