شاعر کی معلومات لوڈ ہو رہی ہیں...
اچھا سا کوئی سپنا دیکھو اور مجھے دیکھو
جاگو تو آئینہ دیکھو اور مجھے دیکھو
شاعر کی معلومات لوڈ ہو رہی ہیں...
Sarwat Hussain
1949 – 1996
The distinguished Urdu poet, Sarwat Hussain, was born on November 9, 1949, in Karachi. His father had migrated to Karachi from Badaun (India) during the partition of Pakistan. He belonged to the Zaydi branch of the Sayyid family. Sarwat Hussain received his early education at Government Boys Primary School, Malir Cantonment, Karachi. He completed his intermediate studies (F.A.) from Allama Iqbal College, Karachi, in 1967-68. From a young age, he was passionate about poetry, writing short poems, and publishing a school literary magazine. His formal journey into poetry began during college, where he participated in poetry competitions and won several awards. He also started sending his poetry for publication in local and national newspapers and magazines. In 1973, he earned his Master's degree in Urdu from the University of Karachi. During this time, his fame spread within Karachi’s literary circles, and he began being invited to literary events, mushairas (poetry gatherings), and radio programs at Radio Pakistan Karachi. Sarwat Hussain began his professional career as a lecturer at Jamia Millia College, Karachi. In 1976, he got married, and in 1979, he was appointed at Government Shah Latif College, Qambar Ali Shah, in the Larkana district. Later, he was transferred to Matiari College in Hyderabad. In the later years of his life, he served at Government Degree Boys College, Malir, Karachi. Sarwat Hussain's first poetry collection, "Adhe Siaare Par", was published in 1987 from Lahore. On September 9, 1996, Sarwat Hussain passed away. A year after his death, his second collection, "Khaakdaan", was published, followed by his third collection, "Ek Katora Pani Ka", in 2012 from Islamabad. In 2015, his complete works (Kulliyat) were published in Karachi. Sarwat Hussain’s poetry not only introduced a new style to the Urdu ghazal but also lent credibility to the experimental genre of prose poetry that emerged in Urdu poetry. Today, a large number of poets, especially young poets, are seen imitating Sarwat Hussain’s style, vocabulary, and poetic approach.
ان کے کلام کے چند منتخب اشعار پڑھیے۔
اچھا سا کوئی سپنا دیکھو اور مجھے دیکھو
جاگو تو آئینہ دیکھو اور مجھے دیکھو
سوچو یہ خاموش مسافر کیوں افسردہ ہے
جب بھی تم دروازہ دیکھو اور مجھے دیکھو
صبح کے ٹھنڈے فرش پہ گونجا اس کا ایک سخن
کرنوں کا گلدستہ دیکھو اور مجھے دیکھو
دو ہی چیزیں اس دھرتی میں دیکھنے والی ہیں
مٹی کی سندرتا دیکھو اور مجھے دیکھو
روشن ہے مری عمر کے تاریک چمن میں
اس کنج ملاقات میں جو وقت گزارا
بازو ہیں یا دو پتواریں ناؤ پہ رکھی ہیں
لہریں لیتا دریا دیکھو اور مجھے دیکھو
بھر جائیں گے جب زخم تو آؤں گا دوبارا
میں ہار گیا جنگ مگر دل نہیں ہارا
اپنے لیے تجویز کی شمشیر برہنہ
اور اس کے لیے شاخ سے اک پھول اتارا
اسم بھول بیٹھے ہم جسم بھول بیٹھے ہم
وہ ہمیں ملی یارو رات اک ستارے میں
لب کھولے پری زاد نے آہستہ سے ثروتؔ
جوں گفتگو کرتا ہے ستارے سے ستارا
جانے اس نے کیا دیکھا شہر کے منارے میں
پھر سے ہو گیا شامل زندگی کے دھارے میں
کچھ سیکھ لو لفظوں کو برتنے کا سلیقہ
اس شغل میں گزرا ہے بہت وقت ہمارا
قسم اس آگ اور پانی کی
موت اچھی ہے بس جوانی کی
سوچتا ہوں کہ اس سے بچ نکلوں
بچ نکلنے کے بعد کیا ہوگا
میں نے دس برس پہلے جس کا نام رکھا تھا
کام کر رہی ہوگی جانے کس ادارے میں
جسے انجام تم سمجھتی ہو
ابتدا ہے کسی کہانی کی
اپنے اپنے گھر جا کر سکھ کی نیند سو جائیں
تو نہیں خسارے میں میں نہیں خسارے میں
یہ جو پھوٹ بہا ہے دریا پھر نہیں ہوگا
روئے زمیں پر منظر ایسا پھر نہیں ہوگا
شام تھی اور شفق پھوٹ رہی تھی ثروتؔ
ایک رقاصہ کی جلتی ہوئی پیشانی سے
خوش لباسی ہے بڑی چیز مگر کیا کیجئے
کام اس پل ہے ترے جسم کی عریانی سے
اور بھی ہیں روایتیں لیکن
اک روایت ہے خوں فشانی کی
رات ڈھلنے کے بعد کیا ہوگا
دن نکلنے کے بعد کیا ہوگا
رقص میں ہوگی ایک پرچھائیں
دیپ جلنے کے بعد کیا ہوگا
گھر سے نکلا تو ملاقات ہوئی پانی سے
کہاں ملتی ہے خوشی اتنی فراوانی سے
عمر کا کوہ گراں اور شب و روز مرے
یہ وہ پتھر ہے جو کٹتا نہیں آسانی سے
دشت چھوڑا تو کیا ملا ثروتؔ
گھر بدلنے کے بعد کیا ہوگا
رنج کی ریت ہے کناروں پر
موج گزری تھی شادمانی کی
خواب ٹوٹا تو گر پڑے تارے
آنکھ ملنے کے بعد کیا ہوگا
موت کے درندے میں اک کشش تو ہے ثروتؔ
لوگ کچھ بھی کہتے ہوں خودکشی کے بارے میں
چوم لیں میری انگلیاں ثروتؔ
اس نے اتنی تو مہربانی کی
زرد گلاب اور آئینوں کو چاہنے والی
ایسی دھوپ اور ایسا سویرا پھر نہیں ہوگا
سامنے اور ہی دیوار و شجر پاتا ہوں
جاگ اٹھتا ہوں اگر خواب جہاں بانی سے
میں نے خود کو جمع کیا پچیس برس میں
یہ سامان تو مجھ سے یکجا پھر نہیں ہوگا
گھائل پنچھی تیری کنج میں آن گرا ہے
اس پنچھی کا دوسرا پھیرا پھر نہیں ہوگا
تم کہاں اس کنج آزار میں کھوئی ہوئی ہو
تم کو تو میرے بچے کی ماں ہونا تھا
شہزادی ترے ماتھے پر یہ زخم رہے گا
لیکن اس کو چومنے والا پھر نہیں ہوگا
ثروتؔ تم اپنے لوگوں سے یوں ملتے ہو
جیسے ان لوگوں سے ملنا پھر نہیں ہوگا
اس سے پہلے کہاں تھے ہم کس خواب میں تھے
ہم دونوں کو ایک سفر پہ رواں ہونا تھا
کس پر پوشیدہ اور کس پہ عیاں ہونا تھا
کون ہوں میں مجھ کو اس وقت کہاں ہونا تھا
آئینے کو سبز کیا میری آنکھوں نے
مجھ سے ہی یہ کار شیشہ گراں ہونا تھا
پتھروں میں آئنا موجود ہے
یعنی مجھ میں دوسرا موجود ہے
میں نے انگور کی بیلوں میں تجھے چوم لیا
کر دیا اور اضافہ تری حیرانی میں
کتنا پر شور ہے جسموں کا اندھیرا ثروتؔ
گفتگو ختم ہوئی جاتی ہے جولانی میں
صوفیہ تم سے ملاقات کروں گا اک روز
کسی سیارے کی جلتی ہوئی عریانی میں
سورما جس کے کناروں سے پلٹ آتے ہیں
میں نے کشتی کو اتارا ہے اسی پانی میں
آسمانی گھنٹیوں کے شور میں
اس بدن کی ہر صدا موجود ہے
صبح کے شور میں ناموں کی فراوانی میں
عشق کرتا ہوں اسی بے سر و سامانی میں
دشت لے جائے کہ گھر لے جائے
تیری آواز جدھر لے جائے
اب یہی سوچ رہی ہیں آنکھیں
کوئی تا حد نظر لے جائے
میں کتاب خاک کھولوں تو کھلے
کیا نہیں موجود کیا موجود ہے
جنت ارضی بلاتی ہے تمہیں
آؤ ثروتؔ راستہ موجود ہے
اک سمندر ہے دل عشاق میں
جس میں ہر موج بلا موجود ہے
منزلیں بجھ گئیں چہروں کی طرح
اب جدھر راہ گزر لے جائے
خواب ہو کر رہ گیا اپنے لیے
جاگ اٹھنے کی سزا موجود ہے
تیری آشفتہ مزاجی اے دل
کیا خبر کون نگر لے جائے
قندیل مہ و مہر کا افلاک پہ ہونا
کچھ اس سے زیادہ ہے مرا خاک پہ ہونا
سایۂ ابر سے پوچھو ثروتؔ
اپنے ہم راہ اگر لے جائے
ہر صبح نکلنا کسی دیوار طرب سے
ہر شام کسی منزل غم ناک پہ ہونا
لو دیتی ہے تصویر نہاں خانۂ دل میں
لازم نہیں اس پھول کا پوشاک پہ ہونا
لے آئے گا اک روز گل و برگ بھی ثروتؔ
باراں کا مسلسل خس و خاشاک پہ ہونا
میں جو گزرا سلام کرنے لگا
پیڑ مجھ سے کلام کرنے لگا
دیکھ اے نوجوان میں تجھ پر
اپنی چاہت تمام کرنے لگا
کیوں کسی شب چراغ کی خاطر
اپنی نیندیں حرام کرنے لگا
پورے چاند کی سج دھج ہے شہزادوں والی
کیسی عجیب گھڑی ہے نیک ارادوں والی
مرے ساتھ بود و نبود میں جو دھڑک رہا ہے وجود میں
اسی دل نے ایک جہان کا مجھے روشناس تو کر دیا
عمر یک روز کم نہیں ثروتؔ
کیوں تلاش دوام کرنے لگا
یہ جو روشنی ہے کلام میں کہ برس رہی ہے تمام میں
مجھے صبر نے یہ ثمر دیا مجھے ضبط نے یہ ہنر دیا
سوچتا ہوں دیار بے پروا
کیوں مرا احترام کرنے لگا
کبھی تیغ تیز سپرد کی کبھی تحفۂ گل تر دیا
کسی شاہ زادی کے عشق نے مرا دل ستاروں سے بھر دیا
زمیں چھوڑ کر نہیں جاؤں گا نیا شہر ایک بساؤں گا!
مرے بخت نے مرے عہد نے مجھے اختیار اگر دیا
کسی زخم تازہ کی چاہ میں کہیں بھول بیٹھوں نہ راہ میں
کسی نوجواں کی نگاہ نے جو پیام وقت سحر دیا
زمزمہ پیرا کوئی تو ہے یہاں
صحن گلشن میں ہوا موجود ہے
یا ایک ستارے کا گزرنا کسی در سے
یا ایک پیالے کا کسی چاک پہ ہونا
نئی نئی سی آگ ہے یا پھر کون ہے وہ
پیلے پھولوں گہرے سرخ لبادوں والی
بھری رہیں یہ گلیاں پھول پرندوں سے
سجی رہے تاروں سے طاق مرادوں والی
گھر سونپ دوں گرد رہ گزر کو
دہلیز کو ہم سفر بناؤں
جنگل میں کبھی جو گھر بناؤں
اس مور کو ہم شجر بناؤں
آنکھیں ہیں اور دھول بھرا سناٹا ہے
گزر گئی ہے عجب سواری یادوں والی
لہر لہر آوارگیوں کے ساتھ رہا
بادل تھا اور جل پریوں کے ساتھ رہا
بہتے جاتے ہیں آئینے سب
میں بھی تو کوئی بھنور بناؤں
دوری ہے بس ایک فیصلے کی
پتوار چنوں کہ پر بناؤں
ملنا اور بچھڑ جانا کسی رستے پر
اک یہی قصہ آدمیوں کے ساتھ رہا
وہ اک سورج صبح تلک مرے پہلو میں
اپنی سب ناراضگیوں کے ساتھ رہا
کس فصل میں کب یکجا ہوں گے
سامان ہوئے ہیں بہم ایسے
سب نے جانا بہت سبک بے حد شفاف
دریا تو آلودگیوں کے ساتھ رہا
بہتی ہوئی آگ سے پرندہ
بانہوں میں سمیٹ کر بناؤں
اک داستان اب بھی سناتے ہیں فرش و بام
وہ کون تھی جو رقص کے عالم میں مر گئی
پھول پانی میں گر پڑے سارے
اچھی جنبش چٹان میں آئی
ان راستوں میں نام و نسب کا نشاں نہ تھا
ہنگامۂ بہار میں خلقت جدھر گئی
پھر وہ برسات دھیان میں آئی
تب کہیں جان جان میں آئی
اک روز میں بھی باغ عدن کو نکل گیا
توڑی جو شاخ رنگ فشاں ہاتھ جل گیا
روشنی کا اتا پتا لینے
شب تیرہ جہان میں آئی
مری دھوپ میں آنے سے پہلے
کبھی دیکھے تھے موسم ایسے
رقص سیارگاں کی منزل بھی
سفر خاک دان میں آئی
یہ ہونٹ ترے ریشم ایسے
کھلتے ہیں شگوفے کم ایسے
سینے میں آگ جہنم سی
اور جھونکے باغ ارم ایسے
اتنا قریب پا کے اسے دم بخود تھا میں
ایسا لگا زمین کی گردش ٹھہر گئی
ہو فرصت خواب جو میسر
اک اور ہی بحر و بر بناؤں
تنہائی کے الاؤ سے روشن ہوا مکاں
ثروتؔ جو دل کا درد تھا نغموں میں ڈھل گیا
کون تھا میں یہ تو مجھ کو معلوم نہیں
پھولوں پتوں اور دیوں کے ساتھ رہا
یہ باغ چراغ سی تنہائی
یہ ساتھ گل و شبنم ایسے
دیوار و سقف و بام نئے لگ رہے ہیں سب
یہ شہر چند روز میں کتنا بدل گیا
میں سو رہا تھا اور مری خواب گاہ میں
اک اژدہا چراغ کی لو کو نگل گیا
دیکھا جو اس طرف تو بدن پر نظر گئی
اک آگ تھی جو میرے پیالے میں بھر گئی
بچپن کی نیند ٹوٹ گئی اس کی چاپ سے
میرے لبوں سے نغمۂ صبح ازل گیا
گندم اور گلابوں جیسے خواب شکستہ کرتے
دور دراز زمینوں والے شہر میں در آتے ہیں
آنکھوں میں سوغات سمیٹے اپنے گھر آتے ہیں
بجرے لاگے بندر گاہ پہ سوداگر آتے ہیں
زرد زبور تلاوت کرتی ہے تصویر خزاں کی
عین بہار میں کیسے کیسے خواب نظر آتے ہیں
شہزادی تجھے کون بتائے تیرے چراغ کدے تک
کتنی محرابیں پڑتی ہیں کتنے در آتے ہیں
آدمی کی بند مٹھی میں ستارہ تھا کوئی
ایک جادوئی کہانی صبح کے منتر میں تھی
بند قبائے سرخ کی منزل ان پر سہل ہوئی ہے
جن ہاتھوں کو آگ چرا لینے کے ہنر آتے ہیں
ایک رخش سنگ تھا آتش کدے کے سامنے
ایک نیلی موم بتی دست آہن گر میں تھی
تھامی ہوئی ہے کاہکشاں اپنے ہاتھ سے
تعمیر کر رہا ہوں مکاں اپنے ہاتھ سے
بیچ میں سوئی ہوئی تھی آتش آیندگاں
ایک پیراہن کی ٹھنڈک دھوپ کی چادر میں تھی
آیا ہوں وہ زمین و شجر ڈھونڈتا ہوا
کھینچی تھی اک لکیر جہاں اپنے ہاتھ سے
پاؤں ساکت ہو گئے ثروتؔ کسی کو دیکھ کر
اک کشش مہتاب جیسی چہرۂ دل بر میں تھی
جب شام ہوئی میں نے قدم گھر سے نکالا
ڈوبا ہوا خورشید سمندر سے نکالا
رات باغیچے پہ تھی اور روشنی پتھر میں تھی
اک صحیفے کی تلاوت ذہن پیغمبر میں تھی
ہر چند کہ اس رہ میں تہی دست رہے ہم
سودائے محبت نہ مگر سر سے نکالا
اس مرد شفق فام نے اک اسم پڑھا اور
شہزادی کو دیوار کے اندر سے نکالا
ثروتؔ ہدف بہت ہیں جوانان شہر میں
رکھو ابھی نہ تیر و کماں اپنے ہاتھ سے
دہکا تھا چمن اور دم صبح کسی نے
اک اور ہی مفہوم گل تر سے نکالا
آئینے کا حضور سمندر لگا مجھے
کاٹا ہے میں نے سیل گراں اپنے ہاتھ سے
جب چاند نمودار ہوا دور افق پر
ہم نے بھی پری زاد کو پتھر سے نکالا
سفینہ رکھتا ہوں درکار اک سمندر ہے
ہوائیں کہتی ہیں اس پار اک سمندر ہے
حسن بہار مجھ کو مکمل نہیں لگا
میں نے تراش لی ہے خزاں اپنے ہاتھ سے
یہ میرا دل ہے مرا آئینہ ہے شہزادی
اور آئینے میں گرفتار اک سمندر ہے
آئے ہیں رنگ بحالی پر
رکھتا ہوں قدم ہریالی پر
میں ایک لہر ہوں اپنے مکان میں اور پھر
ہجوم کوچہ و بازار اک سمندر ہے
یہ انتہائے مسرت کا شہر ہے ثروتؔ
یہاں تو ہر در و دیوار اک سمندر ہے
اک سورج میری مٹھی میں
اک سورج ہل کی پھالی پر
کہاں وہ پیرہن سرخ اور کہاں وہ بدن
کہ عکس ماہ سے بے دار اک سمندر ہے
فرات فاصلہ سے دجلۂ دعا سے ادھر
کوئی پکارتا ہے دشت نینوا سے ادھر
میں آگ دیکھتا تھا آگ سے جدا کر کے
بلا کا رنگ تھا رنگینیٔ قبا سے ادھر
دل دکھتا ہے دل روتا ہے
اک پتے کی پامالی پر
کسی کی نیم نگاہی کا جل رہا ہے چراغ
نگار خانۂ آغاز و انتہا سے ادھر
کوئی نور ظہور کرے ثروتؔ
اسی حمد الحمد کی جالی پر
کسی ان داتا پر گر جاتا
اک سکہ کاسۂ خالی پر
میں راکھ ہو گیا طاؤس رنگ کو چھو کر
عجیب رقص تھا دیوار پیش پا سے ادھر
وہیں پر مرا سیم تن بھی تو ہے
اسی راستے میں وطن بھی تو ہے
وہی ایک چراغ دمکتا ہے
گندم کی بالی بالی پر
زمین میرے لیے پھول لے کے آتی ہے
بساط معرکۂ صبر آزما سے ادھر
یہ میرے ہونٹ سمندر کو چوم سکتے ہیں
حکایت شب افراد و آئینہ سے ادھر
بجھی روح کی پیاس لیکن سخی
مرے ساتھ میرا بدن بھی تو ہے
نہیں شام تیرہ سے مایوس میں
بیاباں کے پیچھے چمن بھی تو ہے
یہ کون اترا پئے گشت اپنی مسند سے
اور انتظام مکان و سرا بدلنے لگا
وہ میرے سامنے ملبوس کیا بدلنے لگا
نگار خانۂ ابر و ہوا بدلنے لگا
مہکتی دہکتی لہکتی ہوئی
یہ تنہائی باغ عدن بھی تو ہے
مشقت بھرے دن کے آخیر پر
ستاروں بھری انجمن بھی تو ہے
ہوا ہے کون نمودار تین سمتوں سے
کہ اندروں کا جزیرہ نما بدلنے لگا
یہ کیسے دن ہیں ہماری زمین پر ثروتؔ
گلوں کا رنگ نمک کا مزا بدلنے لگا
گدائے شہر آئندہ تہی کاسہ ملے گا
تجاوز اور تنہائی کی حد پر کیا ملے گا
سیاہی پھیرتی جاتی ہیں راتیں بحر و بر پہ
انہی تاریکیوں سے مجھ کو بھی حصہ ملے گا
میں اپنی پیاس کے ہم راہ مشکیزہ اٹھائے
کہ ان سیراب لوگوں میں کوئی پیاسا ملے گا
روایت ہے کہ آبائی مکانوں پر ستارہ
بہت روشن مگر نمناک و افسردہ ملے گا
شجر ہیں اور اس مٹی سے پیوستہ رہیں گے
جو ہم میں سے نہیں آسائشوں سے جا ملے گا
وہ آئینہ جسے عجلت میں چھوڑ آئے تھے ساتھی
نہ جانے باد و خاک آثار میں کیسا ملے گا
ردائے ریشمی اوڑھے ہوئے گزرے گی مشعل
نشست سنگ پہ ہر صبح گلدستہ ملے گا
اسی کی وادیوں میں طائران رزق جو کو
نشیمن اور اجلی نیند کا دریا ملے گا
کہاں کس آئنے میں کون سا چہرہ دمکتا ہے
ذرا حیرت سرائے آب و گل میں گھوم کر دیکھوں
گزر گاہیں جہاں پر ختم ہوتی ہیں وہاں کیا ہے
کوئی رہرو پلٹ کر آئے تو معلوم کر دیکھوں
اسی جائے نماز و راز پہ اک روز ثروتؔ
اچانک در کھلے گا اور وہ جھونکا ملے گا
چرا گاہوں میں رک کر آسمانی گھنٹیوں کو
سنو کچھ دیر کہ وہ زمزمہ پیرا ملے گا
اسے بھی یاد رکھنا بادبانی ساعتوں میں
وہ سیارہ کنار صبح فردا آ ملے گا
ہوا و ابر کو آسودۂ مفہوم کر دیکھوں
شروع فصل گل ہے ان لبوں کو چوم کر دیکھوں
مرے سینے میں دل ہے یا کوئی شہزادۂ خود سر
کسی دن اس کو تاج و تخت سے محروم کر دیکھوں
یک بیک منظر ہستی کا نیا ہو جانا
دھوپ میں سرمئی مٹی کا ہرا ہو جانا
صبح کے شہر میں اک شور ہے شادابی کا
گل دیوار، ذرا بوسہ نما ہو جانا
کوئی اقلیم نہیں میرے تصرف میں مگر
مجھ کو آتا ہے بہت فرماں روا ہو جانا
چشم کا آئینہ خانے میں پہنچنا ثروتؔ
دل درویش کا مائل بہ دعا ہو جانا
اسی کنارۂ حیرت سرا کو جاتا ہوں
میں اک سوار ہوں کوہ ندا کو جاتا ہوں
زشت اور خوب کے مابین جلایا میں نے
جس گل سرخ کو تھا شعلہ نما ہو جانا
بہت دن دشت و در میں خاک اڑاتے ہوئے ثروتؔ
اب اپنے صحن میں اپنی فضا میں جھوم کر دیکھوں
رمیدگی کا بیاباں ہے اور بے خور و خواب
غبار کرتا سکوت و صدا کو جاتا ہوں
حذر کہ دجلۂ دشوار پر قدم رکھتا
شکارگاہ فرات و فنا کو جاتا ہوں
کہاں گئے وہ خدایان درہم و دینار
کہ اک دفینۂ دشت بلا کو جاتا ہوں
وہ دن بھی آئے کہ انکار کر سکوں ثروتؔ
ابھی تو معبد حمد و ثنا کو جاتا ہوں
قریب ہی کسی خیمے سے آگ پوچھتی ہے
کہ اس شکوہ سے کس قرطبہ کو جاتا ہوں
کتاب سبز و در داستان بند کیے
وہ آنکھ سو گئی خوابوں کو ارجمند کیے
گزر گیا ہے وہ سیلاب آتش امروز
بغیر خیمہ و خاشاک کو گزند کیے
سفارت حد حیرانگی پہ ہوں مامور
نگار خانۂ حسن و ادا کو جاتا ہوں
بہت مصر تھے خدایان ثابت و سیار
سو میں نے آئنہ و آسماں پسند کیے
ہجر نژادوں کا ہے ایک الگ ہی جہاں
اس سے نہ ملنا یہاں خوب ہے اپنی جگہ
اسی جزیرۂ جائے نماز پر ثروتؔ
زمانہ ہو گیا دست دعا بلند کیے
گردش سیارگاں خوب ہے اپنی جگہ
اور یہ اپنا مکاں خوب ہے اپنی جگہ
اے دل آشفتہ سر رات اندھیری ہے پر
رقص ترا شمع ساں خوب ہے اپنی جگہ
سیر بیاباں و در عقدہ کشا نیز
رنج مسافت میاں خوب ہے اپنی جگہ
تہ زمین کسی اژدہے نے جنبش کی
بساط خاک پہ منظر مرا بدلنے لگا
آنکھوں میں دمک اٹھی ہے تصویر در و بام
یہ کون گیا میرے برابر سے نکل کر
چہرۂ بلقیس پر آنکھ ٹھہرتی نہیں
صبح یمن کا سماں خوب ہے اپنی جگہ
کاغذ آتش زدہ تیری حکایت ہی کیا
پھر بھی تماشائے جاں خوب ہے اپنی جگہ
ہر رنگ میں اثبات سفر چاہئے ثروتؔ
مٹی پہ دھرو پاؤں سمندر سے نکل کر
آئے کوئی طوفان گزر جائے کوئی سیل
اک شعلۂ بے تاب ہوں پتھر سے نکل کر
منہدم ہوتی ہوئی آبادیوں میں فرصت یک خواب ہوتے
ہم بھی اپنے خشت زاروں کے لیے آسودگی کا باب ہوتے
خاک آلودہ زمانوں پر برستی جھومتی کالی گھٹائیں
موسموں کی آب و خاک آرائیوں سے آئنے سیراب ہوتے
تا دیر رہا ذائقۂ مرگ لبوں پر
اک نیند کے ٹوٹے ہوئے منظر سے نکل کر
شہر آزردہ فضا میں آبگینوں کو بروئے کار لاتے
شام کی ان خانماں ویرانیوں میں صحبت احباب ہوتے
خود کلامی کے بھنور میں ڈوبتی پرچھائیں بن کر رہ گئے ہیں
اس اندھیری رات میں گھر سے نکلتے تو ستارہ یاب ہوتے
پہنائے بر و بحر کے محشر سے نکل کر
دیکھوں کبھی موجود و میسر سے نکل کر
تازہ و غم ناک رکھتے آس اور امید کی سب کونپلوں کو
اور پھر ہم راہیٔ باد شبانہ کے لیے مہتاب ہوتے
مزید شاعری پڑھیے اور دوسرے شعراء کو دریافت کیجیے۔