شاعر کی معلومات لوڈ ہو رہی ہیں...
دن کچھ ایسے گزارتا ہے کوئی
جیسے احساں اتارتا ہے کوئی
شاعر کی معلومات لوڈ ہو رہی ہیں...
Gulzar
1936 – حال
Gulzar (born Sampooran Singh Kalra on August 18, 1936, in Dina, Punjab, British India) is a renowned Indian poet, lyricist, and film director. He is one of the most influential figures in Hindi and Urdu literature and Indian cinema. Gulzar's early life was marked by the partition of India in 1947, which led to his family's migration to India. He began his career as a lyricist in the film industry in the 1960s, and his association with music director S.D. Burman helped him gain recognition. His work is known for its emotional depth, simplicity, and poetic beauty, often exploring themes of love, loss, and human relationships. He made his directorial debut with the film Mausam (1975), which was critically acclaimed. Over the years, he directed several successful films like Aandhi (1975), Ijaazat (1987), and Mera Naam Joker (1970). His films are known for their sensitive portrayal of emotions and relationships. As a lyricist, Gulzar wrote songs for numerous iconic Bollywood films, including Dil Se (1998), Slumdog Millionaire (2008), and Raavan (2010). His song "Jai Ho" from Slumdog Millionaire won an Academy Award for Best Original Song in 2009. Gulzar has also published several poetry collections and short stories. He has won numerous accolades, including Filmfare Awards, National Film Awards, the Padma Bhushan (2010), and the Sahitya Akademi Award (2002). Known for his contribution to Indian cinema and literature, Gulzar remains a respected and active figure, continuing to inspire generations with his words and work.
ان کے کلام کے چند منتخب اشعار پڑھیے۔
دن کچھ ایسے گزارتا ہے کوئی
جیسے احساں اتارتا ہے کوئی
پیڑ پر پک گیا ہے پھل شاید
پھر سے پتھر اچھالتا ہے کوئی
دن کچھ ایسے گزارتا ہے کوئی
جیسے احساں اتارتا ہے کوئی
دل میں کچھ یوں سنبھالتا ہوں غم
جیسے زیور سنبھالتا ہے کوئی
دل میں کچھ یوں سنبھالتا ہوں غم
جیسے زیور سنبھالتا ہے کوئی
دیر سے گونجتے ہیں سناٹے
جیسے ہم کو پکارتا ہے کوئی
کون پتھرا گیا ہے آنکھوں میں
برف پلکوں پہ کیوں جمی سی ہے
وقت رہتا نہیں کہیں ٹک کر
عادت اس کی بھی آدمی سی ہے
ہاتھ چھوٹیں بھی تو رشتے نہیں چھوڑا کرتے
وقت کی شاخ سے لمحے نہیں توڑا کرتے
آئیے راستے الگ کر لیں
یہ ضرورت بھی باہمی سی ہے
جس کی آواز میں سلوٹ ہو نگاہوں میں شکن
ایسی تصویر کے ٹکڑے نہیں جوڑا کرتے
لگ کے ساحل سے جو بہتا ہے اسے بہنے دو
ایسے دریا کا کبھی رخ نہیں موڑا کرتے
پیڑ پر پک گیا ہے پھل شاید
پھر سے پتھر اچھالتا ہے کوئی
جاگنے پر بھی نہیں آنکھ سے گرتیں کرچیں
اس طرح خوابوں سے آنکھیں نہیں پھوڑا کرتے
دیر سے گونجتے ہیں سناٹے
جیسے ہم کو پکارتا ہے کوئی
جا کے کہسار سے سر مارو کہ آواز تو ہو
خستہ دیواروں سے ماتھا نہیں پھوڑا کرتے
آئنہ دیکھ کر تسلی ہوئی
ہم کو اس گھر میں جانتا ہے کوئی
شہد جینے کا ملا کرتا ہے تھوڑا تھوڑا
جانے والوں کے لیے دل نہیں تھوڑا کرتے
خوشبو جیسے لوگ ملے افسانے میں
ایک پرانا خط کھولا انجانے میں
رات گزرتے شاید تھوڑا وقت لگے
دھوپ انڈیلو تھوڑی سی پیمانے میں
آئنہ دیکھ کر تسلی ہوئی
ہم کو اس گھر میں جانتا ہے کوئی
شام سے آنکھ میں نمی سی ہے
آج پھر آپ کی کمی سی ہے
جانے کس کا ذکر ہے اس افسانے میں
درد مزے لیتا ہے جو دہرانے میں
دفن کر دو ہمیں کہ سانس آئے
نبض کچھ دیر سے تھمی سی ہے
شام کے سائے بالشتوں سے ناپے ہیں
چاند نے کتنی دیر لگا دی آنے میں
دل پر دستک دینے کون آ نکلا ہے
کس کی آہٹ سنتا ہوں ویرانے میں
ہم اس موڑ سے اٹھ کر اگلے موڑ چلے
ان کو شاید عمر لگے گی آنے میں
درد ہلکا ہے سانس بھاری ہے
جئے جانے کی رسم جاری ہے
رات کو چاندنی تو اوڑھا دو
دن کی چادر ابھی اتاری ہے
شاخ پر کوئی قہقہہ تو کھلے
کیسی چپ سی چمن پہ طاری ہے
زندگی یوں ہوئی بسر تنہا
قافلہ ساتھ اور سفر تنہا
اپنے سائے سے چونک جاتے ہیں
عمر گزری ہے اس قدر تنہا
رات بھر باتیں کرتے ہیں تارے
رات کاٹے کوئی کدھر تنہا
ڈوبنے والے پار جا اترے
نقش پا اپنے چھوڑ کر تنہا
دن گزرتا نہیں ہے لوگوں میں
رات ہوتی نہیں بسر تنہا
کل کا ہر واقعہ تمہارا تھا
آج کی داستاں ہماری ہے
ہم نے دروازے تک تو دیکھا تھا
پھر نہ جانے گئے کدھر تنہا
صبر ہر بار اختیار کیا
ہم سے ہوتا نہیں ہزار کیا
ہم نے اکثر تمہاری راہوں میں
رک کر اپنا ہی انتظار کیا
عادتاً تم نے کر دیئے وعدے
عادتاً ہم نے اعتبار کیا
آپ کے بعد ہر گھڑی ہم نے
آپ کے ساتھ ہی گزاری ہے
پھر نہ مانگیں گے زندگی یارب
یہ گنہ ہم نے ایک بار کیا
ایک پرواز دکھائی دی ہے
تیری آواز سنائی دی ہے
زندگی پر بھی کوئی زور نہیں
دل نے ہر چیز پرائی دی ہے
جس کی آنکھوں میں کٹی تھیں صدیاں
اس نے صدیوں کی جدائی دی ہے
صرف اک صفحہ پلٹ کر اس نے
ساری باتوں کی صفائی دی ہے
آگ میں کیا کیا جلا ہے شب بھر
کتنی خوش رنگ دکھائی دی ہے
آپ کے بعد ہر گھڑی ہم نے
آپ کے ساتھ ہی گزاری ہے
شام سے آج سانس بھاری ہے
بے قراری سی بے قراری ہے
پھر وہیں لوٹ کے جانا ہوگا
یار نے کیسی رہائی دی ہے
شاخ پر کوئی قہقہہ تو کھلے
کیسی چپ سی چمن میں طاری ہے
جب بھی یہ دل اداس ہوتا ہے
جانے کون آس پاس ہوتا ہے
کل کا ہر واقعہ تمہارا تھا
آج کی داستاں ہماری ہے
آنکھیں پہچانتی ہیں آنکھوں کو
درد چہرہ شناس ہوتا ہے
رات کو دے دو چاندنی کی ردا
دن کی چادر ابھی اتاری ہے
گو برستی نہیں سدا آنکھیں
ابر تو بارہ ماس ہوتا ہے
زخم کہتے ہیں دل کا گہنہ ہے
درد دل کا لباس ہوتا ہے
ڈس ہی لیتا ہے سب کو عشق کبھی
سانپ موقع شناس ہوتا ہے
چھال پیڑوں کی سخت ہے لیکن
نیچے ناخن کے ماس ہوتا ہے
صرف اتنا کرم کیا کیجے
آپ کو جتنا راس ہوتا ہے
بے سبب مسکرا رہا ہے چاند
کوئی سازش چھپا رہا ہے چاند
کتنا غازہ لگایا ہے منہ پر
دھول ہی دھول اڑا رہا ہے چاند
جانے کس کی گلی سے نکلا ہے
جھینپا جھینپا سا آ رہا ہے چاند
کیسا بیٹھا ہے چھپ کے پتوں میں
باغباں کو ستا رہا ہے چاند
چھو کے دیکھا تو گرم تھا ماتھا
دھوپ میں کھیلتا رہا ہے چاند
وہ خط کے پرزے اڑا رہا تھا
ہواؤں کا رخ دکھا رہا تھا
بتاؤں کیسے وہ بہتا دریا
جب آ رہا تھا تو جا رہا تھا
سیدھا سادہ افق سے نکلا تھا
سر پہ اب چڑھتا جا رہا ہے چاند
کچھ اور بھی ہو گیا نمایاں
میں اپنا لکھا مٹا رہا تھا
وہ عمر کم کر رہا تھا میری
میں سال اپنے بڑھا رہا تھا
دھواں دھواں ہو گئی تھیں آنکھیں
چراغ کو جب بجھا رہا تھا
منڈیر سے جھک کے چاند کل بھی
پڑوسیوں کو جگا رہا تھا
وہ ایک دن ایک اجنبی کو
مری کہانی سنا رہا تھا
خدا کی شاید رضا ہو اس میں
تمہارا جو فیصلہ رہا تھا
اسی کا ایماں بدل گیا ہے
کبھی جو میرا خدا رہا تھا
جب گزرتی ہے اس گلی سے صبا
خط کے پرزے تلاش کرتی ہے
ایسا خاموش تو منظر نہ فنا کا ہوتا
میری تصویر بھی گرتی تو چھناکا ہوتا
بیتے رشتے تلاش کرتی ہے
خوشبو غنچے تلاش کرتی ہے
ایک امید بار بار آ کر
اپنے ٹکڑے تلاش کرتی ہے
بوڑھی پگڈنڈی شہر تک آ کر
اپنے بیٹے تلاش کرتی ہے
آنکھوں سے آنسوؤں کے مراسم پرانے ہیں
مہماں یہ گھر میں آئیں تو چبھتا نہیں دھواں
آنکھوں میں جل رہا ہے پہ بجھتا نہیں دھواں
اٹھتا تو ہے گھٹا سا برستا نہیں دھواں
پلکوں کے ڈھانپنے سے بھی رکتا نہیں دھواں
کتنی انڈیلیں آنکھیں پہ بجھتا نہیں دھواں
اپنے ماضی کی جستجو میں بہار
پیلے پتے تلاش کرتی ہے
چنگاری اک اٹک سی گئی میرے سینے میں
تھوڑا سا آ کے پھونک دو اڑتا نہیں دھواں
کالی لکیریں کھینچ رہا ہے فضاؤں میں
بورا گیا ہے منہ سے کیوں کھلتا نہیں دھواں
یوں بھی اک بار تو ہوتا کہ سمندر بہتا
کوئی احساس تو دریا کی انا کا ہوتا
سحر نہ آئی کئی بار نیند سے جاگے
تھی رات رات کی یہ زندگی گزار چلے
ملی ہے شمع سے یہ رسم عاشقی ہم کو
گناہ ہاتھ پہ لے کر گناہ گار چلے
پھول نے ٹہنی سے اڑنے کی کوشش کی
اک طائر کا دل رکھنے کی کوشش کی
اٹھائے پھرتے تھے احسان جسم کا جاں پر
چلے جہاں سے تو یہ پیرہن اتار چلے
چولھے نہیں جلائے کہ بستی ہی جل گئی
کچھ روز ہو گئے ہیں اب اٹھتا نہیں دھواں
کل پھر چاند کا خنجر گھونپ کے سینے میں
رات نے میری جاں لینے کی کوشش کی
کانچ کے پار ترے ہاتھ نظر آتے ہیں
کاش خوشبو کی طرح رنگ حنا کا ہوتا
سانس موسم کی بھی کچھ دیر کو چلنے لگتی
کوئی جھونکا تری پلکوں کی ہوا کا ہوتا
کوئی نہ کوئی رہبر رستہ کاٹ گیا
جب بھی اپنی رہ چلنے کی کوشش کی
نہ جانے کون سی مٹی وطن کی مٹی تھی
نظر میں دھول جگر میں لیے غبار چلے
آنکھوں کے پوچھنے سے لگا آگ کا پتہ
یوں چہرہ پھیر لینے سے چھپتا نہیں دھواں
کتنی لمبی خاموشی سے گزرا ہوں
ان سے کتنا کچھ کہنے کی کوشش کی
رکے رکے سے قدم رک کے بار بار چلے
قرار دے کے ترے در سے بے قرار چلے
ایک ستارہ جلدی جلدی ڈوب گیا
میں نے جب تارے گننے کی کوشش کی
ایک ہی خواب نے ساری رات جگایا ہے
میں نے ہر کروٹ سونے کی کوشش کی
کیوں مری شکل پہن لیتا ہے چھپنے کے لیے
ایک چہرہ کوئی اپنا بھی خدا کا ہوتا
نام مرا تھا اور پتہ اپنے گھر کا
اس نے مجھ کو خط لکھنے کی کوشش کی
ایک دھوئیں کا مرغولہ سا نکلا ہے
مٹی میں جب دل بونے کی کوشش کی
کوئی خاموش زخم لگتی ہے
زندگی ایک نظم لگتی ہے
اپنے سائے پہ پاؤں رکھتا ہوں
چھاؤں چھالوں کو نرم لگتی ہے
بزم یاراں میں رہتا ہوں تنہا
اور تنہائی بزم لگتی ہے
چاند کی نبض دیکھنا اٹھ کر
رات کی سانس گرم لگتی ہے
تمہاری خشک سی آنکھیں بھلی نہیں لگتیں
وہ ساری چیزیں جو تم کو رلائیں، بھیجی ہیں
یہ روایت کہ درد مہکے رہیں
دل کی دیرینہ رسم لگتی ہے
گلوں کو سننا ذرا تم صدائیں بھیجی ہیں
گلوں کے ہاتھ بہت سی دعائیں بھیجی ہیں
اگر جلائے تمہیں بھی شفا ملے شاید
اک ایسے درد کی تم کو شعاعیں بھیجی ہیں
جو آفتاب کبھی بھی غروب ہوتا نہیں
ہمارا دل ہے اسی کی شعاعیں بھیجی ہیں
سیاہ رنگ چمکتی ہوئی کناری ہے
پہن لو اچھی لگیں گی گھٹائیں بھیجی ہیں
کھلی کتاب کے صفحے الٹتے رہتے ہیں
ہوا چلے نہ چلے دن پلٹتے رہتے ہیں
تمہارے خواب سے ہر شب لپٹ کے سوتے ہیں
سزائیں بھیج دو ہم نے خطائیں بھیجی ہیں
سہما سہما ڈرا سا رہتا ہے
جانے کیوں جی بھرا سا رہتا ہے
اکیلا پتا ہوا میں بہت بلند اڑا
زمیں سے پاؤں اٹھاؤ ہوائیں بھیجی ہیں
بھرے ہیں رات کے ریزے کچھ ایسے آنکھوں میں
اجالا ہو تو ہم آنکھیں جھپکتے رہتے ہیں
بس ایک وحشت منزل ہے اور کچھ بھی نہیں
کہ چند سیڑھیاں چڑھتے اترتے رہتے ہیں
کائی سی جم گئی ہے آنکھوں پر
سارا منظر ہرا سا رہتا ہے
کبھی رکا نہیں کوئی مقام صحرا میں
کہ ٹیلے پاؤں تلے سے سرکتے رہتے ہیں
مجھے تو روز کسوٹی پہ درد کستا ہے
کہ جاں سے جسم کے بخیے ادھڑتے رہتے ہیں
دل اگر ہے تو درد بھی ہوگا
اس کا کوئی نہیں ہے حل شاید
یہ روٹیاں ہیں یہ سکے ہیں اور دائرے ہیں
یہ ایک دوجے کو دن بھر پکڑتے رہتے ہیں
لب پہ آئی مری غزل شاید
وہ اکیلے ہیں آج کل شاید
چاند ہوتا نہ آسماں پہ اگر
ہم کسے آپ سا حسیں کہتے
ایک پل دیکھ لوں تو اٹھتا ہوں
جل گیا گھر ذرا سا رہتا ہے
سر میں جنبش خیال کی بھی نہیں
زانوؤں پر دھرا سا رہتا ہے
کوئی اٹکا ہوا ہے پل شاید
وقت میں پڑ گیا ہے بل شاید
آپ کے بعد آپ ہی کہیے
وقت کو کیسے ہم نشیں کہتے
آپ نے اوروں سے کہا سب کچھ
ہم سے بھی کچھ کبھی کہیں کہتے
وہ بھی واحد ہے میں بھی واحد ہوں
کس سبب سے ہم آفریں کہتے
آپ کے پاؤں پھر کہاں پڑتے
ہم زمیں کو اگر زمیں کہتے
راکھ کو بھی کرید کر دیکھو
ابھی جلتا ہو کوئی پل شاید
چاند ڈوبے تو چاند ہی نکلے
آپ کے پاس ہوگا حل شاید
ہم تو کتنوں کو مہ جبیں کہتے
آپ ہیں اس لیے نہیں کہتے
آ رہی ہے جو چاپ قدموں کی
کھل رہے ہیں کہیں کنول شاید
کہیں تو گرد اڑے یا کہیں غبار دکھے
کہیں سے آتا ہوا کوئی شہسوار دکھے
خفا تھی شاخ سے شاید کہ جب ہوا گزری
زمیں پہ گرتے ہوئے پھول بے شمار دکھے
رواں ہیں پھر بھی رکے ہیں وہیں پہ صدیوں سے
بڑے اداس لگے جب بھی آبشار دکھے
کبھی تو چونک کے دیکھے کوئی ہماری طرف
کسی کی آنکھ میں ہم کو بھی انتظار دکھے
کوئی طلسمی صفت تھی جو اس ہجوم میں وہ
ہوئے جو آنکھ سے اوجھل تو بار بار دکھے
کانچ کے پیچھے چاند بھی تھا اور کانچ کے اوپر کائی بھی
تینوں تھے ہم وہ بھی تھے اور میں بھی تھا تنہائی بھی
یادوں کی بوچھاروں سے جب پلکیں بھیگنے لگتی ہیں
سوندھی سوندھی لگتی ہے تب ماضی کی رسوائی بھی
دو دو شکلیں دکھتی ہیں اس بہکے سے آئینے میں
میرے ساتھ چلا آیا ہے آپ کا اک سودائی بھی
کتنی جلدی میلی کرتا ہے پوشاکیں روز فلک
صبح ہی رات اتاری تھی اور شام کو شب پہنائی بھی
خاموشی کا حاصل بھی اک لمبی سی خاموشی تھی
ان کی بات سنی بھی ہم نے اپنی بات سنائی بھی
کل ساحل پر لیٹے لیٹے کتنی ساری باتیں کیں
آپ کا ہنکارا نہ آیا چاند نے بات کرائی بھی
دکھائی دیتے ہیں دھند میں جیسے سائے کوئی
مگر بلانے سے وقت لوٹے نہ آئے کوئی
ضعیف برگد کے ہاتھ میں رعشہ آ گیا ہے
جٹائیں آنکھوں پہ گر رہی ہیں اٹھائے کوئی
مرے محلے کا آسماں سونا ہو گیا ہے
بلندیوں پہ اب آ کے پیچے لڑائے کوئی
وہ زرد پتے جو پیڑ سے ٹوٹ کر گرے تھے
کہاں گئے بہتے پانیوں میں بلائے کوئی
مزار پہ کھول کر گریباں دعائیں مانگیں
جو آئے اب کے تو لوٹ کر پھر نہ جائے کوئی
پھولوں کی طرح لب کھول کبھی
خوشبو کی زباں میں بول کبھی
جانتے ہیں ثواب رحم و کرم
ان سے ہوتا نہیں عمل شاید
الفاظ پرکھتا رہتا ہے
آواز ہماری تول کبھی
انمول نہیں لیکن پھر بھی
پوچھ تو مفت کا مول کبھی
کھڑکی میں کٹی ہیں سب راتیں
کچھ چورس تھیں کچھ گول کبھی
دل کا حجرہ کتنی بار اجڑا بھی اور بسایا بھی
ساری عمر کہاں ٹھہرا ہے کوئی ایک رہائش پر
کس کو روکے کوئی رستے میں کہاں بات کرے
نہ تو آنے کی خبر ہے نہ پتا جانے کا
ذکر ہوتا ہے جہاں بھی مرے افسانے کا
ایک دروازہ سا کھلتا ہے کتب خانے کا
دھوپ اور چھاؤں بانٹ کے تم نے آنگن میں دیوار چنی
کیا اتنا آسان ہے زندہ رہنا اس آسائش پر
اوس پڑی تھی رات بہت اور کہرہ تھا گرمائش پر
سیلی سی خاموشی میں آواز سنی فرمائش پر
فاصلے ہیں بھی اور نہیں بھی ناپا تولا کچھ بھی نہیں
لوگ بضد رہتے ہیں پھر بھی رشتوں کی پیمائش پر
منہ موڑا اور دیکھا کتنی دور کھڑے تھے ہم دونوں
آپ لڑے تھے ہم سے بس اک کروٹ کی گنجائش پر
بلبلہ پھر سے چلا پانی میں غوطے کھانے
نہ سمجھنے کا اسے وقت نہ سمجھانے کا
ایک سناٹا دبے پاؤں گیا ہو جیسے
دل سے اک خوف سا گزرا ہے بچھڑ جانے کا
صدیوں پہ اختیار نہیں تھا ہمارا دوست
دو چار لمحے بس میں تھے دو چار بس جیے
شاید تین نجومی میری موت پہ آ کر پہنچیں گے
ایسا ہی اک بار ہوا تھا عیسیٰ کی پیدائش پر
یہ دل بھی دوست زمیں کی طرح
ہو جاتا ہے ڈانوا ڈول کبھی
اپنا محور بدل چکی تھی زمیں
ہم خلا سے جو لوٹ کر آئے
میں نے الفاظ تو بیجوں کی طرح چھانٹ دیئے
ایسا میٹھا ترا انداز تھا فرمانے کا
جب بھی آنکھوں میں اشک بھر آئے
لوگ کچھ ڈوبتے نظر آئے
چند لمحے جو لوٹ کر آئے
رات کے آخری پہر آئے
چاند جتنے بھی گم ہوئے شب کے
سب کے الزام میرے سر آئے
کچھ چراغوں کی سانس ٹوٹ گئی
کچھ بہ مشکل دم سحر آئے
ہونٹوں میں لے کے رات کے آنچل کا اک سرا
آنکھوں پہ رکھ کے چاند کے ہونٹوں کا مس جیے
ایک گولی گئی تھی سوئے فلک
اک پرندے کے بال و پر آئے
مجھ کو اپنا پتا ٹھکانہ ملے
وہ بھی اک بار میرے گھر آئے
ذکر آئے تو مرے لب سے دعائیں نکلیں
شمع جلتی ہے تو لازم ہے شعاعیں نکلیں
وقت کی ضرب سے کٹ جاتے ہیں سب کے سینے
چاند کا چھلکا اتر جائے تو قاشیں نکلیں
غار کے منہ پہ رکھا رہنے دو سنگ خورشید
غار میں ہاتھ نہ ڈالو کہیں راتیں نکلیں
چند امیدیں نچوڑی تھیں تو آہیں ٹپکیں
دل کو پگھلائیں تو ہو سکتا ہے سانسیں نکلیں
دفن ہو جائیں کہ زرخیز زمیں لگتی ہے
کل اسی مٹی سے شاید مری شاخیں نکلیں
ہم نے تو رات کو دانتوں سے پکڑ کر رکھا
چھینا جھپٹی میں افق کھلتا گیا جاتے ہوئے
صحرا کے اس طرف سے گئے سارے کارواں
سن سن کے ہم تو صرف صدائے جرس جیے
میں نہ ہوں گا تو خزاں کیسے کٹے گی تیری
شوخ پتے نے کہا شاخ سے مرجھاتے ہوئے
تجھ کو دیکھا ہے جو دریا نے ادھر آتے ہوئے
کچھ بھنور ڈوب گئے پانی میں چکراتے ہوئے
محدود ہیں دعائیں مرے اختیار میں
ہر سانس پر سکون ہو تو سو برس جیے
ہر ایک غم نچوڑ کے ہر اک برس جیے
دو دن کی زندگی میں ہزاروں برس جیے
وقت کے تیر تو سینے پہ سنبھالے ہم نے
اور جو نیل پڑے ہیں تری گفتار سے ہیں
روح سے چھیلے ہوئے جسم جہاں بکتے ہیں
ہم کو بھی بیچ دے ہم بھی اسی بازار سے ہیں
کاغذ کا اک چاند لگا کر رات اندھیری کھڑکی پر
دل میں کتنے خوش تھے اپنی فرقت کی آرائش پر
سی لیے ہونٹ وہ پاکیزہ نگاہیں سن کر
میلی ہو جاتی ہے آواز بھی دہراتے ہوئے
تنکا تنکا کانٹے توڑے ساری رات کٹائی کی
کیوں اتنی لمبی ہوتی ہے چاندنی رات جدائی کی
پیڑ کے پتوں میں ہلچل ہے خبردار سے ہیں
شام سے تیز ہوا چلنے کے آثار سے ہیں
جب سے وہ اہل سیاست میں ہوئے ہیں شامل
کچھ عدو کے ہیں تو کچھ میرے طرف دار سے ہیں
ناخدا دیکھ رہا ہے کہ میں گرداب میں ہوں
اور جو پل پہ کھڑے لوگ ہیں اخبار سے ہیں
آنکھوں اور کانوں میں کچھ سناٹے سے بھر جاتے ہیں
کیا تم نے اڑتی دیکھی ہے ریت کبھی تنہائی کی
سینے میں دل کی آہٹ جیسے کوئی جاسوس چلے
ہر سائے کا پیچھا کرنا عادت ہے ہرجائی کی
نیند میں کوئی اپنے آپ سے باتیں کرتا رہتا ہے
کال کنوئیں میں گونجتی ہے آواز کسی سودائی کی
تاروں کی روشن فصلیں اور چاند کی ایک درانتی تھی
ساہو نے گروی رکھ لی تھی میری رات کٹائی کی
مجھے اندھیرے میں بے شک بٹھا دیا ہوتا
مگر چراغ کی صورت جلا دیا ہوتا
نہ روشنی کوئی آتی مرے تعاقب میں
جو اپنے آپ کو میں نے بجھا دیا ہوتا
یہ درد جسم کے یارب بہت شدید لگے
مجھے صلیب پہ دو پل سلا دیا ہوتا
یہ شکر ہے کہ مرے پاس تیرا غم تو رہا
وگرنہ زندگی نے تو رلا دیا ہوتا
میں چپ کراتا ہوں ہر شب امڈتی بارش کو
مگر یہ روز گئی بات چھیڑ دیتی ہے
ہوا کے سینگ نہ پکڑو کھدیڑ دیتی ہے
زمیں سے پیڑوں کے ٹانکے ادھیڑ دیتی ہے
زمیں سا دوسرا کوئی سخی کہاں ہوگا
ذرا سا بیج اٹھا لے تو پیڑ دیتی ہے
گرم لاشیں گریں فصیلوں سے
آسماں بھر گیا ہے چیلوں سے
رندھے گلے کی دعاؤں سے بھی نہیں کھلتا
در حیات جسے موت بھیڑ دیتی ہے
کان میں ایسے اتری سرگوشی
برف پھسلی ہو جیسے ٹیلوں سے
سولی چڑھنے لگی ہے خاموشی
لوگ آئے ہیں سن کے میلوں سے
گونج کر ایسے لوٹتی ہے صدا
کوئی پوچھے ہزاروں میلوں سے
لوگ کندھے بدل بدل کے چلے
گھاٹ پہنچے بڑے وسیلوں سے
پیاس بھرتی رہی مرے اندر
آنکھ ہٹتی نہیں تھی جھیلوں سے
حسرتیں اپنی بلکتیں نہ یتیموں کی طرح
ہم کو آواز ہی دے لیتے ذرا جاتے ہوئے
کل تواریخ میں دفنائے گئے تھے جو لوگ
ان کے سائے ابھی دروازوں پہ بیدار سے ہیں
چڑھتے سیلاب میں ساحل نے تو منہ ڈھانپ لیا
لوگ پانی کا کفن لینے کو تیار سے ہیں
مزید شاعری پڑھیے اور دوسرے شعراء کو دریافت کیجیے۔