شاعر کی معلومات لوڈ ہو رہی ہیں...
جانے والوں کو کہاں روک سکا ہے کوئی
تم چلے ہو تو کوئی روکنے والا بھی نہیں
شاعر کی معلومات لوڈ ہو رہی ہیں...
Aslam Ansari
1939 – حال
Aslam Ansari is a renowned Urdu poet, famous for his ghazals and poetic expressions that resonate with deep emotions and thoughtful reflections. His works often explore themes of love, loss, and the human condition. He is recognized for his unique poetic style that blends modern sensibilities with traditional forms of Urdu poetry. Aslam Ansari is best known for his soulful ghazals, which have a unique emotional depth. His poetry reflects the complexities of life and love, capturing both joy and sorrow in his verses. Although not as widely recognized internationally as some other poets, his works are admired in Urdu literary circles. Unfortunately, detailed personal information, including his education and career outside poetry, is not widely available, and the poet tends to keep his life private. However, his contribution to Urdu literature is significant, and his poetry continues to be loved by poetry enthusiasts.
ان کے کلام کے چند منتخب اشعار پڑھیے۔
جانے والوں کو کہاں روک سکا ہے کوئی
تم چلے ہو تو کوئی روکنے والا بھی نہیں
کون سا موڑ ہے کیوں پاؤں پکڑتی ہے زمیں
اس کی بستی بھی نہیں کوئی پکارا بھی نہیں
میں نے روکا بھی نہیں اور وہ ٹھہرا بھی نہیں
حادثہ کیا تھا جسے دل نے بھلایا بھی نہیں
بے نیازی سے سبھی قریۂ جاں سے گزرے
دیکھتا کوئی نہیں ہے کہ تماشا بھی نہیں
وہ تو صدیوں کا سفر کر کے یہاں پہنچا تھا
تو نے منہ پھیر کے جس شخص کو دیکھا بھی نہیں
اب اور چلنے کا اس دل میں حوصلہ ہی نہ تھا
کہ شہر شب میں اجالے کا شائبہ ہی نہ تھا
میں اس گلی میں گیا لے کے زعم رسوائی
مگر مجھے تو وہاں کوئی جانتا ہی نہ تھا
کس کو نیرنگئ ایام کی صورت دکھلائیں
رنگ اڑتا بھی نہیں نقش ٹھہرتا بھی نہیں
یا ہمیں کو نہ ملا اس کی حقیقت کا سراغ
یا سرا پردۂ عالم میں کوئی تھا بھی نہیں
گداز جاں سے لیا میں نے پھر غزل کا سراغ
کہ یہ چراغ تو جیسے کبھی بجھا ہی نہ تھا
کسے کہیں کہ رفاقت کا داغ ہے دل پر
بچھڑنے والا تو کھل کر کبھی ملا ہی نہ تھا
مسافروں کو کئی واہمے ستاتے ہیں
ٹھہرتے کیا کہ دریچوں میں تو دیا ہی نہ تھا
دمک اٹھا تھا وہ چہرہ حیا کی چادر میں
کہ جیسے جرم وفا اس کا مدعا ہی نہ تھا
کوئی پکارے کسی کو تو خود ہی کھو جائے
ہوا تو ہے مگر ایسا کبھی سنا ہی نہ تھا
دینے والا جھولیاں بھر بھر دیتا ہے تو اس کا کرم
لینے والے کب کہتے ہیں داتا اتنا کافی ہے
ہمارے ہاتھ فقط ریت کے صدف آئے
کہ ساحلوں پہ ستارہ کوئی رہا ہی نہ تھا
ایک غلط انداز نظر سے گلشن گلشن داغ جلیں
شبنم شبنم رلوانے کو ایک ہی جملہ کافی ہے
ایک سمندر ایک کنارہ ایک ستارا کافی ہے
اس منظر میں اس کے علاوہ کوئی اکیلا کافی ہے
خشک لبوں پر پیاس سجائے بحر آشام نہیں ہیں ہم
ہم جیسوں کو تشنہ لبی میں ایک ہی دریا کافی ہے
اب تو اور بھی دنیائیں ہیں منتظر ارباب ہوس
ان لوگوں کا قول نہیں ہے ہم کو یہ دنیا کافی ہے
شہر وفا سے دشت جنوں تک چاہے جتنے مراحل ہوں
وحشت کے تو دوسرے رخ پر ایک دریچہ کافی ہے
اپنی صدا کی گونج ہی تجھ کو ڈرا نہ دے
اے دل طلسم گنبد شب میں صدا نہ دے
اس کے افسوں اس کے فسانے دونوں کو مسحور رکھیں
عقل و جنوں کی دہلیزوں پر خواب کا پہرہ کافی ہے
دیوار خستگی ہوں مجھے ہاتھ مت لگا
میں گر پڑوں گا دیکھ مجھے آسرا نہ دے
ایک سبھا دل والوں کی اک تان رسیلے لوگوں کی
شہر کے روشن رکھنے کو اتنا سا اجالا کافی ہے
حسن سخن باقی رکھنے کو کچھ ابہام ضروری ہے
کہتے کہتے رک جانے میں ہے جو اشارہ کافی ہے
اک زندگی گزیدہ سے یہ دشمنی نہ کر
اے دوست مجھ کو عمر ابد کی دعا نہ دے
خفا نہ ہو کہ ترا حسن ہی کچھ ایسا تھا
میں تجھ سے پیار نہ کرتا تو اور کیا کرتا
ہاں مجھ پہ فیض میرؔ و فراقؔ و ندیمؔ ہے
لیکن تو ہم سخن مجھے اتنی ہوا نہ دے
سب محو نقش پردۂ رنگیں تو ہیں مگر
کوئی ستم ظریف یہ پردہ ہٹا نہ دے
ہم سب اسیر دشت ہویدا ہیں دوستو
ہم میں کوئی کسی کو کسی کا پتا نہ دے
گل کر نہ دے چراغ وفا ہجر کی ہوا
طول شب الم مجھے پتھر بنا نہ دے
ڈرتا ہوں آئنہ ہوں کہیں ٹوٹ ہی نہ جاؤں
اک لو سی ہوں چراغ کی کوئی بجھا نہ دے
تو خواب تھا تو مجھے نیند سے جگایا کیوں
تو وہم تھا تو مرے ساتھ ساتھ کیوں نہ چلا
ٹھہر کے سن تو سہی غم کی ڈوبتی آواز
پلٹ کے دیکھ تو لے منظر شکست وفا
کہاں کہاں لیے پھرتا کشاں کشاں مجھ کو
لپٹ گیا ہے مرے پاؤں سے مرا سایہ
میں بھی چلا تو پیاس بجھانے کو تھا مگر
ساحل کو دیکھتا ہوں کہ پیاسا دکھائی دے
اسلمؔ غریب شہر سخن ہے کبھی ملیں
کہتے ہیں آدمی تو بھلا سا دکھائی دے
ہر شب در خیال پہ ٹھہرے وہ ایک چاپ
ہر شب فصیل دل پہ وہ چہرہ دکھائی دے
عین ممکن ہے کسی طرز ادا میں آئے
قصۂ درد وفا صوت و صدا میں آئے
ہم تو آئینہ نما تھے ہی صفا کیشی میں
نام کچھ اور بھی ارباب صفا میں آئے
عشق تا حال تو متروک نہیں ہو پایا
انقلابات بھی گو راہ وفا میں آئے
کچھ گل نیلوفری جھیل کی تاریکی سے
اپنی دانست میں اقلیم بقا میں آئے
کیا کہیں اس کو تضادات زمانہ کے سوا
کتنے درویش تھے جو شاہی قبا میں آئے
خواب آنکھوں میں لیے ہم بھی بہ تائید جنوں
کیسے اک جلوہ گہہ خواب نما میں آئے
شورش عہد میں یہ تذکرۂ عشق وفا
جیسے نغمہ سا کوئی بانگ درا میں آئے
خود کو گم کر کے کسی اور کے پا لینے تک
مرحلے اور بھی تکمیل انا میں آئے
ہم نہ پہنچے سر منزل تو کیا
ہم سفر کوئی تو پہنچا ہوگا
اڑتی ہوگی کہیں خوشبوئے خیال
گل معنی کہیں کھلتا ہوگا
جب ہمیں اذن تماشا ہوگا
تو کہاں انجمن آرا ہوگا
ہر گل و برگ ہے اک نقش قدم
کون اس راہ سے گزرا ہوگا
سنہری رت کے کسی نیلگوں تناظر میں
خط افق پہ وہ پیلا گلاب پھر نہ کھلا
لب تصویر پہ گویا ہے سخن
کوئی سن لے تو تماشا ہوگا
لب بستگی سے اور کھلے غنچۂ صدا
وہ چپ رہے تو اور بھی گویا دکھائی دے
اب بھی گل پوش دریچے کے قریب
تو کسی سوچ میں ڈوبا ہوگا
رت بدلتے ہی نئے رنگ کے منظر ابھرے
کچھ پرندے بھی نئی موج ہوا میں آئے
کون اپنا عکس دیکھ کے حیراں پلٹ گیا
چہرہ یہ موج موج میں کس کا دکھائی دے
ہر شخص اس ہجوم میں تنہا دکھائی دے
دنیا بھی اک عجیب تماشا دکھائی دے
آج کی شام بھی وہ سرو جمیل
تیرے آنگن میں لہکتا ہوگا
تو نے جب ہاتھ چھڑایا تھا وہ پل
تجھ کو بھی یاد تو آتا ہوگا
تو منکر وفا ہے تجھے کیا دکھاؤں دل
غم شعلہ نہاں ہے بھلا کیا دکھائی دے
الفاظ ختم ہوں تو ملے رشتۂ خیال
یہ گرد بیٹھ جائے تو رستہ دکھائی دے
دمک اٹھی ہیں جبینیں مرے خیالوں کی
لپک گیا ہے کہیں تیری یاد کا شعلہ
اک عمر قطع وادیٔ شب میں گزر گئی
اب تو کہیں سحر کا اجالا دکھائی دے
دشت فرقت میں کھڑا سوچتا ہوں
تو کہاں انجمن آرا ہوگا
دل یہ کہتا ہے تجھی سے ملیے
میں یہ کہتا ہوں کہ پھر کیا ہوگا
اے موجۂ سراب تمنا ستم نہ کر
صحرا ہی سامنے ہے تو صحرا دکھائی دے
ہوا چلی ہے کہ تلوار سی چلی ہے ابھی
لہو میں ڈوب گیا شاخ شاخ کا چہرہ
کسی کو خواہش دشت وجود ہی کب تھی
سنا فسانۂ ہستی تو پھر رہا نہ گیا
خود بھی گم ہو گئے ہم اپنی صداؤں کی طرح
دشت فرقت میں تجھے یوں نہ پکارا ہوتا
کچھ تو غم خانۂ ہستی میں اجالا ہوتا
چاند چمکا ہے تو احساس بھی چمکا ہوتا
آئینہ خانۂ عالم میں کھڑا سوچتا ہوں
میں نہ ہوتا تو یہاں کون سا چہرہ ہوتا
ہم بھی احساس کی تصویر بنا سکتے تھے
کاش ہم پہ کبھی اظہار کا در وا ہوتا
فرصت شوق نہ دی کرب وفا نے رونا
کوئی اعجاز تو ہم نے بھی دکھایا ہوتا
حسن اظہار نے رعنائی عطا کی غم کو
گل اگر رنگ نہ ہوتا تو شرارہ ہوتا
ایک صورت سے ہوا نقش دو عالم کو فروغ
آئینہ ٹوٹ نہ جاتا تو تماشا ہوتا
ہم نے ہر خواب کو تعبیر عطا کی اسلمؔ
ورنہ ممکن تھا کہ ہر نقش ادھورا ہوتا
مجھے تو یہ بھی فریب حواس لگتا ہے
وگرنہ کون اندھیروں میں ساتھ چلتا ہے
ہم کو پہچان کہ اے بزم چمن زار وجود
ہم نہ ہوتے تو تجھے کس نے سنوارا ہوتا
جو دیکھیے تو سبھی کارواں میں شامل ہیں
جو سوچئے تو سفر میں ہر ایک تنہا ہے
کسے خبر کہ یہ دوری کا بھید کیا شے ہے
قدم اٹھاؤ تو رستہ بھی ساتھ چلتا ہے
ابھر رہے ہیں جو منظر فریب منظر ہیں
جو کھل رہا ہے دریچہ تو وہم اپنا ہے
بکھر چکی جرس کاروان گل کی صدا
اب اس کے بعد تو واماندگی کا وقفہ ہے
تری صدا ہے کہ ظلمت میں روشنی کی لکیر
ترا بدن ہے کہ نغموں کا دل دھڑکتا ہے
اداسیوں کو نہ چھونے دے پھول سا پیکر
ابھی کچھ اور تجھے اہل غم پہ ہنسنا ہے
طلب تو کر کسے معلوم کامگار بھی ہو
زمانہ عیب و ہنر اب کہاں پرکھتا ہے
مری وفا پہ بھی اے دوست اعتبار نہ کر
مجھے بھی تیری طرح سب سے پیار کرنا ہے
چمن چمن ہے اگر گل فشاں تو کیا کیجے
ہمیں تو اپنے خرابے کو ہی پلٹنا ہے
یہ پوچھنا ہے کہ غیروں سے کیا ملا تجھ کو
تری جفا کی شکایت تو کون کرتا ہے
نہ جانے آخر شب کس کے دل پہ چوٹ پڑی
کہ ڈوب ڈوب گئے جیسے دل ستاروں کے
یہ دشت دل یہ بہ ہر سو غبار تنہائی
کہاں گئے وہ چمن اجنبی اشاروں کے
اتار لے کسی شیشے میں ساعت نغمہ
صدائے قافلۂ گل کہیں بکھر ہی نہ جائے
نگاہ یار، غم جاں گسل کا کیا ہوگا
ترے کرم سے نصیب وفا سنور ہی نہ جائے
ہے ایک قلزم خوں قریۂ جنوں سے ادھر
یہاں جو آئے کوئی اس کی پھر خبر ہی نہ جائے
یہ ایک چاپ جو برسوں میں سن رہا ہوں میں
کوئی تو ہے جو یہاں آ کے لوٹ جاتا ہے
کسی کو مہلت ہستی بھی دے غم جاناں
یہ کیا کہ آئے کوئی تو پلٹ کے گھر ہی نہ جائے
فراق گل میں کٹی زندگی خزاؤں کی
سراغ گل میں لٹے قافلے بہاروں کے
بہا دے آج کچھ آنسو کہ پھر غنیمت ہیں
چڑھا ہے آج جو دریا وہ کل اتر ہی نہ جائے
لرز لرز کے دل ناتواں ٹھہر ہی نہ جائے
فراق ساز کہیں روح نغمہ مر ہی نہ جائے
سنا بھی دے کسی گل کو فسون تنہائی
رہ خیال سے یہ کارواں گزر ہی نہ جائے
اے صریر قلم اے ضمیر جہاں آپ اپنی زباں میں جو لکھنا ہو لکھ
کتنے احوال ہیں نا نوشتہ ابھی کیا مناسب ہے ان سے تغافل کریں
کار اہل وفا جہد و تسلیم ہے ہم بھی تسلیم میں کیا تأمل کریں
ذات کے دشت کتنے ہی درپیش ہیں کیا کریں گے اگر پھر تساہل کریں
وہ رنگ اڑے ہیں کچھ اب کے برس بہاروں کے
کہ دل میں نقش ابھرتے ہیں برف زاروں کے
بجا کہ جاں سے گزرنا بہت کٹھن ہے مگر
ترے نثار کوئی ایسا کام کر ہی نہ جائے
الجھ گئے ہیں کسی موج اضطراب میں پھر
وہ خواب رنگ میں ڈوبے ہوئے کناروں کے
وہ خوش مزاج ہے اس کو الم سے کیا نسبت
سنا نہ عشق کا غم، عشق سے وہ ڈر ہی نہ جائے
چلو کہ اس سے کوئی صاف صاف بات کریں
کہ اب تو کھل ہی گئے بھید استعاروں کے
ہم پریشان و آشفتہ لوگوں میں بھی اک زمانہ ہوا ایک دھیرج سا تھا
اب تو ہم ایسے لوگوں کی خواہش بھی ہے کو و برزن میں جا تا بہ شب غل کریں
کہنا سننا بھی اک وضع تہذیب ہے کہنے سننے میں نقص مراتب نہیں
اک ذرا چپ رہیں ہم بھی گلزار میں پاس رسم حکایات بلبل کریں
میرے الفاظ میں میرا خون جگر کیسے کیسے جھلکتا ہے دیکھیں کبھی
ساز عشق و ہوس گو ہم آہنگ ہیں پھر بھی عشق و ہوس میں تقابل کریں
وہ جو ارباب دانش ہیں ان کے لئے اک نصاب عمل سوجھتا ہے مجھے
کیا ہیں وہ اور کیا ہے یہ نظم جہاں کچھ تفکر کریں کچھ تأمل کریں
اب تو اہل ہنر ایک ہی راستہ آپ ایسوں کی خاطر کھلا ہے ابھی
ہر عطاے زماں پر تشکر کریں ہر جفاے جہاں کا تحمل کریں
بجھی ہے آتش رنگ بہار آہستہ آہستہ
گرے ہیں شعلۂ گل سے شرار آہستہ آہستہ
وہ اک قطرہ کہ برگ دل پہ شبنم سا لرزتا تھا
ہوا ہے بحر نا پیدا کنار آہستہ آہستہ
ٹوٹتی ہیں روایات مینا و مے کیا کریں گے عوض میں مقامات کے
اہل تدبیر ابھی وقت تدبیر ہے آئیں اور اہتمام تسلسل کریں
اڑا ہے رفتہ رفتہ رنگ تصویر محبت کا
ہوئی ہے رسم الفت بے وقار آہستہ آہستہ
کبھی شور قیامت گوش انساں تک بھی پہنچے گا
کوئی سیارہ بدلے گا مدار آہستہ آہستہ
سراب آرزو میں پھر کوئی منظر بھی چمکے گا
اٹھے گی دشت سے موج غبار آہستہ آہستہ
بہت دن تک سلاسل کی صدا آئی ہے زنداں سے
ملا ہے بے قراروں کو قرار آہستہ آہستہ
کبھی ملحوظ ہم کو بھی سخن میں ربط معنی تھا
ہوا ہے زہر غم آشفتہ کار آہستہ آہستہ
کہیں یارو تمہیں پھر گہری یاسیت نہ چھو جائے
رہو راہ طلب میں محو کار آہستہ آہستہ
غبار احساس پیش و پس کی اگر یہ باریک تہ ہٹائیں
تو ایک پل میں نہ جانے کتنے زمانوں کے عکس تھرتھرائیں
خزاں اگر اپنا خوں نہ بخشے تو فصل گل کیسے سرخ رو ہو
سکوت اپنا جگر نہ چیرے تو کیسے جھنکار دیں صدائیں
وہ سب ارباب جذب و شوق جن پر ناز تھا ہم کو
ہوئے ہیں ہوشمندی کے شکار آہستہ آہستہ
بکھر چلے ہیں بکھر چکے ہیں گل عبارت کے برگ ریزے
کتاب جاں کی شہادتوں کا ورق ورق لے گئیں ہوائیں
ہوا کی بے رنگ تختیوں پر صدا کی تحریر کیا ابھاریں
سکوت کے بے نشاں کھنڈر میں چراغ آواز کیا جلائیں
تماشا گاہ طرب نشاں میں سبھی کو لازم ہے مسکرانا
جو غم فروشی نہ کرنا چاہیں وہی یہاں بخت آزمائیں
مہیب راتوں میں ڈگمگاتے دکھی بدن کے مسافروں کو
اکیلے پن میں ڈرا رہی ہے سمے کے جنگل کی سائیں سائیں
تمام الفاظ مر چکے ہیں تمام احباب جا چکے ہیں
گئی رتوں کے ستم کا قصہ سنائیں کیسے کسے سنائیں
ہوا کی تلوار چل رہی ہو تو شاخ امید کیا سنبھالیں
بدن کی دیوار گر رہی ہو تو دل کی دیوار کیا بچائیں
یہ شوق کی بے نصیب کلیاں یہ درد کے بے خزاں شگوفے
تمہارے قدموں میں رکھ نہ پائے تو کس کی چوکھٹ پہ جا گرائیں
سو بار جسم و جاں کو بنانا پڑا سوال
اس تجربے سے اب تو حذر چاہئے مجھے
مضمون آگہی ہوں بیاں چاہتا ہوں میں
افسون بے اثر ہوں اثر چاہئے مجھے
غور سے دیکھ کوئی ہے پس تصویر خزاں
ورنہ کس سمت گئے رنگ جمانے والے
بجھ گئے شوخ دریچوں میں دمکتے مہتاب
سو گئے رات کی تقدیر جگانے والے
وہ ربط دوستی جسے پائندہ کہہ سکیں
ملتی نہیں یہ چیز مگر چاہئے مجھے
شاخوں پہ تیر کے زخم ہیں یہ
یا پھر سے گلاب جھانکتے ہیں
ظلمت میں بہت ہی یاد آئے
وہ چاند جو ہم سفر رہے ہیں
فصل بے برگ کچھ ایسی بھی تو بے رنگ نہیں
داستاں عہد بہاراں کی سنانے والے
وہ نخل جو بار ور ہوئے ہیں
آشوب خزاں سے ڈر رہے ہیں
لے دست ہوس یہ پھول تیرے
کانٹے تو وفا نے چن لئے ہیں
ٹوٹی ہے کہیں صدا کی زنجیر
حلقے سے خیال کے پڑے ہیں
صحرا کا سکوت کہہ رہا ہے
شہروں کے چراغ بجھ گئے ہیں
بدلا نہ نوشتۂ مقدور
مکتوب تو ہم نے بھی لکھے ہیں
انساں کا شعور کہہ رہا ہے
انساں نے بہت سے دکھ سہے ہیں
پامال جہاں ہوئے کہ ہم نے
کچھ خواب جہاں کو بھی دیے ہیں
اے عشق جنوں شعار تیرے
دنیا میں عجیب سلسلے ہیں
چمکی ہے جو سرنوشت آدم
تہذیب کے نقش بن گئے ہیں
آفاق کی وسعتوں سے آگے
کچھ اور چراغ جل اٹھے ہیں
عمر کے آنگن میں بیلیں بن کے پھیلا کوئی خواب
جیسے جینے کے لئے کافی ہو تنہا کوئی خواب
خم محراب پہ صدیوں کی سیہ گرد بھی دیکھ
طاق ویراں میں لہو اپنا جلانے والے
کیا تماشہ گاہ میں اس کے لئے منظر نہ تھے
یا اسے مصروف رکھتا ہے اسی کا کوئی خواب
سوچئے کیا موج گل سے بھی کوئی لب تر ہوا
دیکھیے ساحل پہ رہ جائے نہ پیاسا کوئی خواب
رنگ و صورت دو الگ شخصیتیں ہیں اس لئے
دونوں کہتے ہیں ہمیں دیجے ہمارا کوئی خواب
پھر دھڑکتے ہیں دل انساں میں فردا کے خیال
پھر ہواؤں نے زمیں پر لا اتارا کوئی خواب
دف گل ٹوٹ گئی دست صبا میں لیکن
رقص کرتے ہی رہے وجد میں آنے والے
سنگ پاروں کی زباں ہوتی تو شاید مانگتے
کوئی چہرہ کوئی پیکر کوئی شعلہ کوئی خواب
کس طرح کھوئے گئے عکس رواں کی صورت
شہر حیراں میں ترا کھوج لگانے والے
درس آداب جنوں یاد دلانے والے
آ گئے پھر مری زنجیر ہلانے والے
میری طلب دہکتے الاؤ نہ تھے کبھی
انبار خس ہوں ایک شرر چاہئے مجھے
واہموں کی زد سے بچنے کو سفر جاری رکھو
تم ذرا ٹھہرے کہ سایہ بن کے الجھا کوئی خواب
شور دنیا میں سسکتی ہے صدائے دل کہیں
زندگی تشکیل دے نغمات جیسا کوئی خواب
زہر اب زہر ہے کرتا نہیں کار تریاک
مر گئے زہر کو تریاک بنانے والے
کب تک سلگتی ریت پہ بے حس پڑا رہوں
اس گل زمیں کی سمت سفر چاہئے مجھے
اک برگ برگ دن کی خبر چاہئے مجھے
میں شاخ شب زدہ ہوں سحر چاہئے مجھے
اس کو خوابوں سے زیادہ رت جگوں کا شوق تھا
اس کی پلکوں پر اسی باعث نہ ٹھہرا کوئی خواب
سوچتا ہوں کہ یہ معمورۂ غم یہ دنیا
کس لیے تو نے بنائی ہے بنانے والے
مزید شاعری پڑھیے اور دوسرے شعراء کو دریافت کیجیے۔