تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجوہ مرا ساغر بکف ہونا پشیمانی کے ساتھ
ابر رحمت کا وہ اٹھنا جھوم کر میرے لئے
کوئی آواز ہی دے گمشدہ دل
کہاں ہے او مرے یوسف کہاں ہے
مبارک باد اے جذب محبت
انہیں اپنے پر اب میرا گماں ہے
ناگہاں لب ہائے برگ گل سے یہ آئی ندا
نالے کرتا ہے عبث اے بے خبر میرے لئے
میں تو ہر حالت میں خوش ہوں لیکن اس کا کیا علاج
ڈبڈبا آتی ہیں وہ آنکھیں جگرؔ میرے لئے
میں بھی ہوں اپنی جگہ خونیں جگر خونیں کفن
تو نہ اپنی جان کھو اے مشت پر میرے لئے
زندگی اک تہمت بے جا ہے میری ذات پر
موت اک الزام ناجائز جگرؔ میرے لئے
ترک مے سے اور بھی میں تو شرابی بن گیا
روز آ جاتا ہے مینائے سحر میرے لئے
سینے میں اگر ہو دل بیدار محبت
ہر سانس ہے پیغمبر اسرار محبت
بس یہ سننا تھا کہ پائے گل پہ گر کر مر مٹا
بن گیا اک نقش عبرت عمر بھر میرے لئے
تا دیر نہ ہو دل بھی خبردار محبت
اک یہ بھی ہے انداز فسوں کار محبت
توہین نگاہ کرم یار کہاں تک
دم لینے دے اے لذت آزار محبت
وہ بھی ہوئے جاتے ہیں طرفدار محبت
اچھے نظر آتے نہیں آثار محبت
ہشیار ہو اے بے خود و سرشار محبت
اظہار محبت! ارے اظہار محبت
کونین سے کیا اہل محبت کو سروکار
کونین ہے خود حاشیہ بردار محبت
جو عرش کی رفعت کو بھی اس در پہ جھکا دے
ایسا بھی کوئی جذبۂ سرشار محبت
میں اور یہ نمکین غم عشق ارے توبہ
تو اور یہ احساس گراں بار محبت!
سب پھونک دیئے خار و خس مذہب و ملت
اللہ رے یک شعلۂ رخسار محبت
میں نے انہیں تاریک فضاؤں میں بھی اکثر
دیکھے ہیں برستے ہوئے انوار محبت
ناصح کو ہے کیوں میری محبت سے سروکار
چہرے سے تو کھلتے نہیں آثار محبت