تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجاس غنچے میں سمائی ہے وحشت برنگ بو
دل کتنی تنگیوں پہ بیابان ہو گیا
غیر سے مل کے کیا لیا تم نے
ہم سے ملتے تو کچھ مزہ ملتا
عاشقی سے ملے گا اے زاہد
بندگی سے نہیں خدا ملتا
روز اک دل لگی نئی ہوتی
روز اک دل مجھے نیا ملتا
اک نہ اک ہم لگائے رکھتے ہیں
تم نہ ملتے تو دوسرا ملتا
تم کو یہ مل گیا ہے قسمت سے
داغؔ سا ورنہ دوسرا ملتا
ذرا وصل پر ہو اشارہ تمہارا
ابھی فیصلہ ہے ہمارا تمہارا
بتو دین و دنیا میں کافی ہے مجھ کو
خدا کا بھروسہ سہارا تمہارا
محبت کے دعوے ملے خاک میں سب
وہ کہتے ہیں کیا ہے اجارہ تمہارا
نکل کر مرے گھر سے یہ جان لو تم
نہ ہوگا کسی گھر گزارہ تمہارا
رکاوٹ نہ ہوتی تو دل ایک ہوتا
تمہارا ہمارا ہمارا تمہارا
کریں گے سفارش ہم اے داغؔ ان سے
اگر ذکر آیا دوبارہ تمہارا
ہوگی فقط شریک دعا ایک بیکسی
میت پر اپنی آپ پڑھیں گے نماز ہم
جب سنتے ہیں کہ آپ پہ دو چار مر گئے
دلواتے ہیں رقیبوں کی اپنے نیاز ہم
محشر میں بھی کسی کے اٹھائیں گے ناز ہم
ایسے نیاز مند ہیں اے بے نیاز ہم
وہ دن گئے کہ داغؔ تھی ہر دم بتوں کی یاد
پڑھتے ہیں پانچ وقت کی اب تو نماز ہم
سنا ہے کسی اور کو چاہتا ہے
وہ دشمن ہمارا وہ پیارا تمہارا
اس نے لیا جو آئنے میں بوسہ اپنا آپ
اللہ رے نازکی لب گلفام چھل گیا
واعظ یہی نہ کہہ دے کہ پیدا ہی کیوں ہوئے
دنیا میں آئیں اور رہیں پاک باز ہم
اس میں بھی کوئی بھید ہے تم جانتے نہیں
کہتے ہیں ایک ایک سے کیوں دل کے راز ہم