تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجآسماں ہے خموشئ جاوید
میں بھی اب لب نہیں ہلانے کا
شوق ہے اس دل درندہ کو
آپ کے ہونٹ کاٹ کھانے کا
خوب ہے شوق کا یہ پہلو بھی
میں بھی برباد ہو گیا تو بھی
زندگی ایک فن ہے لمحوں کو
اپنے انداز سے گنوانے کا
حسن مغموم تمکنت میں تری
فرق آیا نہ یک سر مو بھی
یاد آتے ہیں معجزے اپنے
اور اس کے بدن کا جادو بھی
یاسمیں اس کی خاص محرم راز
یاد آیا کرے گی اب تو بھی
یاد سے اس کی ہے مرا پرہیز
اے صبا اب نہ آئیو تو بھی
یہ نہ سوچا تھا زیر سایۂ زلف
کہ بچھڑ جائے گی یہ خوش بو بھی
حسن کہتا تھا چھیڑنے والے
چھیڑنا ہی تو بس نہیں چھو بھی
ہائے وہ اس کا موج خیز بدن
میں تو پیاسا رہا لب جو بھی
ہیں یہی جونؔ ایلیا جو کبھی
سخت مغرور بھی تھے بد خو بھی
یہ غم کیا دل کی عادت ہے نہیں تو
کسی سے کچھ شکایت ہے نہیں تو
کسی کے بن کسی کی یاد کے بن
جیئے جانے کی ہمت ہے نہیں تو
ہم آہنگی نہیں دنیا سے تیری
تجھے اس پر ندامت ہے نہیں تو
اذیت ناک امیدوں سے تجھ کو
اماں پانے کی حسرت ہے نہیں تو
ہے وہ اک خواب بے تعبیر اس کو
بھلا دینے کی نیت ہے نہیں تو
ہوا جو کچھ یہی مقسوم تھا کیا
یہی ساری حکایت ہے نہیں تو
ترے اس حال پر ہے سب کو حیرت
تجھے بھی اس پہ حیرت ہے نہیں تو
تو رہتا ہے خیال و خواب میں گم
تو اس کی وجہ فرصت ہے نہیں تو