شاعر کی معلومات لوڈ ہو رہی ہیں...
نقش کی طرح ابھرنا بھی تمہی سے سیکھا
رفتہ رفتہ نظر آنا بھی تمہی سے سیکھا
شاعر کی معلومات لوڈ ہو رہی ہیں...
Zehra Nigah
1940 – حال
Nida Fazli (1938–2016) was a renowned Indian Urdu poet, lyricist, and author. Born as Mirza Nizamuddin Ahmed in Delhi, he later adopted the pen name "Nida Fazli." He is known for his poignant and reflective poetry, which often dealt with themes of love, sorrow, and existentialism. His work was celebrated for its simplicity, emotional depth, and philosophical outlook on life. Fazli was part of the progressive writers' movement and contributed to the literary and cultural landscape of India. His poetry was widely admired for its lyrical beauty and sensitivity to human emotions. He also penned lyrics for Bollywood songs, working with prominent composers and directors, including those for films like Zakhm (1998) and Taj Mahal (2005). Throughout his life, Nida Fazli's poetry was published in several collections, and he earned numerous awards for his literary contributions. He was a frequent participant in mushairas (poetry recitals) across India and internationally. His legacy continues to inspire poets and lyricists today.
ان کے کلام کے چند منتخب اشعار پڑھیے۔
نقش کی طرح ابھرنا بھی تمہی سے سیکھا
رفتہ رفتہ نظر آنا بھی تمہی سے سیکھا
بیٹھے بیٹھے کیسا دل گھبرا جاتا ہے
جانے والوں کا جانا یاد آ جاتا ہے
تم سے حاصل ہوا اک گہرے سمندر کا سکوت
اور ہر موج سے لڑنا بھی تمہی سے سیکھا
رشتۂ ناز کو جانا بھی تو تم سے جانا
جامۂ فخر پہننا بھی تمہی سے سیکھا
بات چیت میں جس کی روانی مثل ہوئی
ایک نام لیتے میں کچھ رک سا جاتا ہے
چھوٹی سی بات پہ خوش ہونا مجھے آتا تھا
پر بڑی بات پہ چپ رہنا تمہی سے سیکھا
اس امید پہ روز چراغ جلاتے ہیں
آنے والے برسوں بعد بھی آتے ہیں
دفتر منصب دونوں ذہن کو کھا لیتے ہیں
گھر والوں کی قسمت میں تن رہ جاتا ہے
ہنستی بستی راہوں کا خوش باش مسافر
روزی کی بھٹی کا ایندھن بن جاتا ہے
تم نے سمجھائے مری سوچ کو آداب ادب
لفظ و معنی سے الجھنا بھی تمہی سے سیکھا
اب اس گھر کی آبادی مہمانوں پر ہے
کوئی آ جائے تو وقت گزر جاتا ہے
دیکھو وہ بھی ہیں جو سب کہہ سکتے تھے
دیکھو ان کے منہ پر تالے اب بھی ہیں
دیکھو تو لگتا ہے جیسے دیکھا تھا
سوچو تو پھر نام نہیں یاد آتے ہیں
ہم نے جس رستے پر اس کو چھوڑا ہے
پھول ابھی تک اس پر کھلتے جاتے ہیں
بستی میں کچھ لوگ نرالے اب بھی ہیں
دیکھو خالی دامن والے اب بھی ہیں
کیسی اچھی بات ہے زہرہؔ تیرا نام
بچے اپنے بچوں کو بتلاتے ہیں
دیکھتے دیکھتے اک گھر کے رہنے والے
اپنے اپنے خانوں میں بٹ جاتے ہیں
دیکھو اب بھی جنس وفا نایاب نہیں
اپنی جان پہ کھیلنے والے اب بھی ہیں
تارے ماند ہوئے پر ذرے روشن ہیں
مٹی میں آباد اجالے اب بھی ہیں
برسوں ہوئے تم کہیں نہیں ہو
آج ایسا لگا یہیں کہیں ہو
محسوس ہوا کہ بات کی ہے
اور بات بھی وہ جو دل نشیں ہو
دیکھو ان آنکھوں کو جنہوں نے سب دیکھا
دیکھو ان پر خوف کے جالے اب بھی ہیں
اب تک مرے نام سے ہے نسبت
اب تک مرے شہر کے مکیں ہو
امکان ہوا کہ وہم تھا سب
اظہار ہوا کہ تم یقیں ہو
اندازہ ہوا کہ رہ وہی ہے
امید بڑھی کہ تم وہیں ہو
یہ سچ ہے یہاں شور زیادہ نہیں ہوتا
گھر بار کے بازار میں پر کیا نہیں ہوتا
نہیں نہیں ہمیں اب تیری جستجو بھی نہیں
تجھے بھی بھول گئے ہم تری خوشی کے لئے
چھلک رہی ہے مئے ناب تشنگی کے لئے
سنور رہی ہے تری بزم برہمی کے لئے
جو تیرگی میں ہویدا ہو قلب انساں سے
ضیا نواز وہ شعلہ ہے تیرگی کے لئے
جبر دل بے مہر کا چرچا نہیں ہوتا
تاریکئ شب میں کوئی چہرہ نہیں ہوتا
جہان نو کا تصور حیات نو کا خیال
بڑے فریب دئے تم نے بندگی کے لئے
مئے حیات میں شامل ہے تلخیٔ دوراں
جبھی تو پی کے ترستے ہیں بے خودی کے لئے
ہر جذبۂ معصوم کی لگ جاتی ہے بولی
کہنے کو خریدار پرایا نہیں ہوتا
عورت کے خدا دو ہیں حقیقی و مجازی
پر اس کے لیے کوئی بھی اچھا نہیں ہوتا
کہاں کے عشق و محبت کدھر کے ہجر و وصال
ابھی تو لوگ ترستے ہیں زندگی کے لئے
شب بھر کا ترا جاگنا اچھا نہیں زہراؔ
پھر دن کا کوئی کام بھی پورا نہیں ہوتا
اچھے شعروں کی پرکھ تم نے ہی سکھلائی مجھے
اپنے انداز سے کہنا بھی تمہی سے سیکھا
دن میں کرنیں آنکھ مچولی کھیلتی ہیں
رات گئے کچھ جگنو ملنے جاتے ہیں
یہ اداسی یہ پھیلتے سائے
ہم تجھے یاد کر کے پچھتائے
بس وہی تھے متاع دیدہ و دل
جتنے آنسو مژہ تلک آئے
مل گیا تھا سکوں نگاہوں کو
کی تمنا تو اشک بھر آئے
میرے چہرے کا سورج اسے یاد ہے
بھولتا ہے پلک پر ستارہ سا تھا
کوئی ہنگامہ سر بزم اٹھایا جائے
کچھ کیا جائے چراغوں کو بجھایا جائے
دست طلب کچھ اور بڑھاتے ہفت اقلیم بھی مل جاتے
ہم نے تو کچھ ٹوٹے پھوٹے جملوں ہی پہ قناعت کی
شہرت کے گہرے دریا میں ڈوبے تو پھر ابھرے نہیں
جن لوگوں کو اپنا سمجھا جن لوگوں سے محبت کی
بات کیجے تو کھلتے تھے جوہر بہت
دیکھنے میں تو وہ شخص سادہ سا تھا
شام خاموش ہے اور چاند نکل آیا ہے
کیوں نہ اک نقش ہی پانی پہ بنایا جائے
ایک کے گھر کی خدمت کی اور ایک کے دل سے محبت کی
دونوں فرض نبھا کر اس نے ساری عمر عبادت کی
جو دل نے کہی لب پہ کہاں آئی ہے دیکھو
اب محفل یاراں میں بھی تنہائی ہے دیکھو
صلح جس سے رہی میری تا زندگی
اس کا سارے زمانے سے جھگڑا سا تھا
زخم ہنستے ہیں تو یہ فصل بہار آتی ہے
ہاں اسی بات پہ پھر زخم لگایا جائے
اب ذوق طلب وجہ جنوں ٹھیر گیا ہے
اور عرض وفا باعث رسوائی ہے دیکھو
پھولوں سے ہوا بھی کبھی گھبرائی ہے دیکھو
غنچوں سے بھی شبنم کبھی کترائی ہے دیکھو
ہم جو پہنچے تو رہ گزر ہی نہ تھی
تم جو آئے تو منزلیں لائے
جو زمانے کا ساتھ دے نہ سکے
وہ ترے آستاں سے لوٹ آئے
رات گہری تھی پھر بھی سویرا سا تھا
ایک چہرہ کہ آنکھوں میں ٹھہرا سا تھا
غم اپنے ہی اشکوں کا خریدار ہوا ہے
دل اپنی ہی حالت کا تماشائی ہے دیکھو
اپنا ہر انداز آنکھوں کو تر و تازہ لگا
کتنے دن کے بعد مجھ کو آئینہ اچھا لگا
ایک دوراہا ایسا آیا دونوں ٹوٹ کے گر جاتے
بچوں کے ہاتھوں نے سنبھالا بوڑھوں ہی نے حفاظت کی
سارہ آرائش کا ساماں میز پر سوتا رہا
اور چہرہ جگمگاتا جاگتا ہنستا لگا
ملگجے کپڑوں پہ اس دن کس غضب کی آب تھی
سارے دن کا کام اس دن کس قدر ہلکا لگا
گل ہی اکتا گئے ہیں گلشن سے
باغباں سے کہو نہ گھبرائے
چال پر پھر سے نمایاں تھا دلآویزی کا زعم
جس کو واپس آتے آتے کس قدر عرصہ لگا
جامۂ الفت بنتے آئے رشتوں کے دھاگوں سے ہم
عمر کی قینچی کاٹ گئی اب کاہے کو اتنی محنت کی
میں تو اپنے آپ کو اس دن بہت اچھی لگی
وہ جو تھک کر دیر سے آیا اسے کیسا لگا
رشتے سے محافظ کا خطرہ جو نکل جاتا
منزل پہ بھی آ جاتے نقشہ بھی بدل جاتا
اس جھوٹ کی دلدل سے باہر بھی نکل آتے
دنیا میں بھی سر اٹھتا اور گھر بھی سنبھل جاتا
اس شہر کو راس آئی ہم جیسوں کی گم نامی
ہم نام بتاتے تو یہ شہر بھی جل جاتا
ہنستے ہوئے بوڑھوں کو قصے کئی یاد آتے
روتے ہوئے بچوں کا رونا بھی بہل جاتا
کیوں اپنے پہاڑوں کے سینوں کو جلاتے ہم
خطرہ تو محبت کے اک پھول سے ٹل جاتا
بھولنا خود کو تو آساں ہے بھلا بیٹھا ہوں
وہ ستم گر جو نہ بھولے سے بھلایا جائے
جس کے باعث ہیں یہ چہرے کی لکیریں مغموم
غیرممکن ہے کہ منظر وہ دکھایا جائے
انگلیاں آسمان چھوتی تھیں
ہاں مری دسترس میں تھی کل رات
وہ ساتھ نہ دیتا تو وہ داد نہ دیتا تو
یہ لکھنے لکھانے کا جو بھی ہے خلل جاتا
ٹوٹے پھوٹے لفظوں کے کچھ رنگ گھلے تھے
ان کی مہندی آج تلک بھی رچائے ہوئے ہوں
طاق دل پہ تھی گھنگھروؤں کی صدا
اک جھڑی سی لگی رہی کل رات
جن باتوں کو سننا تک بار خاطر تھا
آج انہیں باتوں سے دل بہلائے ہوئے ہوں
وہ خوشبو بن کر آئے تو بے شک آئے
میں بھی دست صبا سے ہاتھ ملائے ہوئے ہوں
اٹھتا جاتا تھا پردۂ نسیاں
ایک اک بات یاد تھی کل رات
روشنی اب بھی درازوں سے امڈ آتی ہے
کھڑکیاں اب بھی صداؤں سے کھلی لگتی ہیں
رونقیں اب بھی کواڑوں میں چھپی لگتی ہیں
محفلیں اب بھی اسی طرح سجی لگتی ہیں
ساعتیں جو تری قربت میں گراں گزری تھیں
دور سے دیکھوں تو اب وہ بھی بھلی لگتی ہیں
بے چراغی سے تیری مرے شہر دل
وادیٔ شعر میں کچھ اجالا سا تھا
وحشت کرنے سے بھی دل بیزار ہوا ہے
دشت و سمندر آنچل میں سمٹائے ہوئے ہوں
بھولی بسری یادوں کو لپٹائے ہوئے ہوں
ٹوٹا جال سمندر پر پھیلائے ہوئے ہوں
جگنوؤں کے سے لمحے اڑتے تھے
میری مٹھی میں آ گئی کل رات
ایک مدت کے بعد دھند چھٹی
دل نے اپنی کہی سنی کل رات
دیر تک روشنی رہی کل رات
میں نے اوڑھی تھی چاندنی کل رات
اب بھی کچھ لوگ سناتے ہیں سنائے ہوئے شعر
باتیں اب بھی تری ذہنوں میں بسی لگتی ہیں
گھر کے سارے پھول ہنگاموں کی رونق ہو گئے
خالی گلدانوں سے باتیں کرکے سو جائیں گے ہم
قربتوں سے کب تلک اپنے کو بہلائیں گے ہم
ڈوریاں مضبوط ہوں گی چھٹتے جائیں گے ہم
ادھ کھلی تکیے پہ ہوگی علم و حکمت کی کتاب
وسوسوں وہموں کے طوفانوں میں گھر جائیں گے ہم
تیرا رخ سائے کی جانب میری آنکھیں سوئے مہر
دیکھنا ہے کس جگہ کس وقت مل پائیں گے ہم
جاں دیتے ہیں جاں دینے کا سودا نہیں کرتے
شرمندۂ اعجاز مسیحا نہیں ہوتے
وحشت میں بھی منت کش صحرا نہیں ہوتے
کچھ لوگ بکھر کر بھی تماشا نہیں ہوتے
اس نے آہستہ سے زہراؔ کہہ دیا دل کھل اٹھا
آج سے اس نام کی خوشبو میں بس جائیں گے ہم
حرف حرف گوندھے تھے طرز مشکبو کی تھی
تم سے بات کرنے کی کیسی آرزو کی تھی
ساتھ ساتھ چلنے کی کس قدر تمنا تھی
ساتھ ساتھ کھونے کی کیسی جستجو کی تھی
اس ہجوم میں وہ پل کس طرح سے تنہا ہے
جب خموش تھے ہم تم اور گفتگو کی تھی
وہ نہ جانے کیا سمجھا ذکر موسموں کا تھا
میں نے جانے کیا سوچا بات رنگ و بو کی تھی
ہم خاک تھے پر جب اسے دیکھا تو بہت روئے
سنتے تھے کہ صحراؤں میں دریا نہیں ہوتے
اب دوستی وہ فن کہ جو سیکھے وہی نبھائے
اور ہے وفا تماشا جسے آئے وہ دکھائے
اک تار گریباں کا رہے دھیان کہ سب لوگ
محفل میں تو ہوتے ہیں شناسا نہیں ہوتے
کہہ دو کوئی صبا سے ادھر آج کل نہ آئے
کلیاں کہیں مہک نہ اٹھیں پھول کھل نہ جائے
فریب خوردۂ منزل ہیں ہم کو کیا معلوم
بہ طرز راہبری راہزن کی بات کرو
لب پر خموشیوں کو سجائے نظر چرائے
جو اہل دل میں بیٹھے ہیں چپ چاپ سر جھکائے
کچھ کہنا جرم ہے تو خطا وار میں بھی ہوں
یہ اور بات میرا کہا وہ سمجھ نہ پائے
یہ حکم ہے کہ اندھیرے کو روشنی سمجھو
ملے نشیب تو کوہ و دمن کی بات کرو
بہار آئے تو چپ چاپ ہی گزر جائے
نہ رنگ و بو کی نہ سرو و سمن کی بات کرو
خزاں نے آ کے کہا میرے غم سے کیا حاصل
جہاں بہار لٹی اس چمن کی بات کرو
قدم قدم پہ فروزاں ہیں آنسوؤں کے چراغ
انہیں بجھاؤ تو صبح وطن کی بات کرو
خوش جو آئے تھے پشیمان گئے
اے تغافل تجھے پہچان گئے
تیری ایک ایک ادا پہچانی
اپنی ایک ایک خطا مان گئے
خوب ہے صاحب محفل کی ادا
کوئی بولا تو برا مان گئے
کوئی دھڑکن ہے نہ آنسو نہ خیال
وقت کے ساتھ یہ طوفان گئے
ویراں ہے نظر میری ترے رخ کے مقابل
آوارہ ہیں غم کوچۂ دل دار کے ہوتے
نہیں ہے مے نہ سہی چشم التفات تو ہے
نئی ہے بزم طریق کہن کی بات کرو
جینا ہے تو جی لیں گے بہر طور دوانے
کس بات کا غم ہے رسن و دار کے ہوتے
دل بجھنے لگا آتش رخسار کے ہوتے
تنہا نظر آتے ہیں غم یار کے ہوتے
اس کو سمجھے کہ نہ سمجھے لیکن
گردش دہر تجھے جان گئے
یاں سب کو مل گئے ہیں سہارے بقدر شوق
تم سوچتے رہے کہ طلب گار کون ہے
اب تک شریک محفل اغیار کون ہے
ہم بے وفا ہوئے تو خطاوار کون ہے
نظروں نے کس کی چاک کیے پردہ ہائے رنگ
سنولا دیا ہے جس نے رخ یار کون ہے
دامن ہزار چاک گریباں ہزار وا
یہ دیکھنا ہے کتنا گنہ گار کون ہے
کیوں بدلے ہوئے ہیں نگۂ ناز کے انداز
اپنوں پہ بھی اٹھ جاتی ہے اغیار کے ہوتے
اک یہ بھی ادائے دل آشفتہ سراں تھی
بیٹھے نہ کہیں سایۂ دیوار کے ہوتے
ایسے سناٹے میں جب بار ہو آواز نفس
صورت دل ہی کسی دل میں دھڑکتے رہیے
مڑ کے دیکھیں گے تو پتھر نہیں ہو جائیں گے آپ
مڑ کے بھی دیکھیے اور آگے بھی چلتے رہیے
سر جھکائے ہوئے اک راہ پہ چلتے رہیے
اک صدا کان میں آئے گی وہ سنتے رہیے
تری نگاہ کی جنبش میں اب بھی شامل ہیں
مری حیات کے کچھ مختصر سے افسانے
یہ کیا ستم ہے کوئی رنگ و بو نہ پہچانے
بہار میں بھی رہے بند تیرے مے خانے
فنا کے زمزمے رنج و محن کے افسانے
یہی ملے ہیں نئی زندگی کو نذرانے
کیوں اے غم فراق یہ کیا بات ہو گئی
ہم انتظار صبح میں تھے رات ہو گئی
جو سن سکو تو یہ سب داستاں تمہاری ہے
ہزار بار جتایا مگر نہیں مانے
جو کر گئے ہیں جدا ایک ایک سے ہم کو
دیار غرب سے آئے تھے چند بیگانے
بہکے ہوئے بھٹکتے ہوئے کارواں کی خیر
رہبر سے راہزن کی ملاقات ہو گئی
لو ڈوبتوں نے دیکھ لیا ناخدا کو آج
تقریب کچھ تو بہر ملاقات ہو گئی
دیوانگی کی خیر نہ مانگیں تو کیا کریں
دیوانگی ہی راز عنایات ہو گئی
سینوں میں سوز و ساز محبت نہیں رہا
دنیا رہین گردش حالات ہو گئی
ہم لوگ جو خاک چھانتے ہیں
مٹی سے گہر نکالتے ہیں
ہے شعلۂ دیں کہ شمع کفر
پروانے کہاں یہ جانتے ہیں
اس گنبد بے صدا میں ہم لوگ
الفاظ کے بت تراشتے ہیں
وہ جو اک شکل مرے چار طرف بکھری تھی
میں نے جب غور سے دیکھا تو مری اپنی تھی
اے سایۂ ابر اب تو رک جا
اک عمر سے دھوپ کاٹتے ہیں
یوں تو آداب محبت میں سبھی جائز تھا
پھر بھی چپ رہنے میں اک شان دلآویزی تھی
یوں کہنے کو پیرایۂ اظہار بہت ہے
یہ دل دل ناداں سہی خوددار بہت ہے
دیوانوں کو اب وسعت صحرا نہیں درکار
وحشت کے لیے سایۂ دیوار بہت ہے
شورش شعر میں خاموش سی کیوں ہے زہراؔ
اچھا خاصا تو کبھی وہ بھی کہا کرتی تھی
جب حسن تکلم پہ کڑا وقت پڑے تو
اور کچھ بھی نہ باقی ہو تو تکرار بہت ہے
پھر اسیروں پہ کسی خواب نے جادو ڈالا
رات کچھ حلقۂ زنجیر میں خاموشی تھی
بجتا ہے گلی کوچوں میں نقارۂ الزام
ملزم کہ خموشی کا وفادار بہت ہے
خود آئینہ گر آئینہ چھوڑے تو نظر آئے
دہکا ہوا ہر شعلۂ رخسار بہت ہے
منصف کے لیے اذن سماعت پہ ہیں پہرے
اور عدل کی زنجیر میں جھنکار بہت ہے
رات بھر جاگنے والوں نے پس شمع زرد
صبح اک خواب کی صورت کی طرح دیکھی تھی
جنون اولیں شائستگی تھی
وہی پہلی محبت آخری تھی
ہمیں تو عادت زخم سفر ہے کیا کہئے
یہاں پہ راہ وفا مختصر ہے کیا کہیے
حکایت غم دنیا طویل تھی کہہ دی
حکایت غم دل مختصر ہے کیا کہیے
جدائیاں تو یہ مانا بڑی قیادت ہیں
رفاقتوں میں بھی دکھ کس قدر ہے کیا کہیے
کبھی ہر لفظ کے سو سو معانی
کبھی پوری کہانی ان کہی تھی
کشادہ تھے بہت بازوئے وحشت
یہ زنجیر خرد الجھی ہوئی تھی
بھڑک رہا ہے ابھی تک چراغ آخر شب
اسے بھی صبح کا ارماں ہے دیکھیے کیا ہو
نہ جانے کتنے ستارے یہ کہتے ڈوب گئے
سحر کا رنگ پریشاں ہے دیکھیے کیا ہو
ترا خیال فروزاں ہے دیکھیے کیا ہو
خموش گردش دوراں ہے دیکھیے کیا ہو
اسی حسن تعلق پر ورق لکھتے گئے لاکھ
کرن سے روئے گل تک ایک پل کا رابطہ تھا
میں اس دن تیری آمد کا نظارہ سوچتی تھی
وہ دن جب تیرے جانے کے لیے رکنا پڑا تھا
مجال دید نہیں حسرت نظارہ سہی
یہ سلسلہ ہی بہت معتبر ہے کیا کہیے
سحر آغاز شب اتمام حجت
عجب زہراؔ کی وضع زندگی تھی
کلی اداس چمن سوگوار گل خاموش
یہ انتظار بہاراں ہے دیکھیے کیا ہو
چلے چلتے تھے رہرو ایک آواز اخی پر
جنوں تھا یا فسوں تھا کچھ تو تھا جو ہو رہا تھا
جس سے کچھ نہ کہہ پائیں جان گفتگو ٹھہرے
جس سے کم ملیں اس کو سب سے بیشتر جانیں
ایک تیرا غم جس کو راہ معتبر جانیں
اس سفر میں ہم کس کو اپنا ہم سفر جانیں
جہاں ہم پھر سے بسنا چاہتے تھے
وہ بستی ہو کے دنیا ہو چکی تھی
تار تار کر ڈالیں صبر و ضبط کا دامن
زخم زخم دکھلا دیں ظرف چارہ گر جانیں
ہم سے بڑھی مسافت دشت وفا کہ ہم
خود ہی بھٹک گئے جو کبھی راستہ ملا
اس رہ گزر میں اپنا قدم بھی جدا ملا
اتنی صعوبتوں کا ہمیں یہ صلہ ملا
اک وسعت خیال کہ لفظوں میں گھر گئی
لہجہ کبھی جو ہم کو کرم آشنا ملا
بہت دن بعد زہراؔ تو نے کچھ غزلیں تو لکھیں
نہ لکھنے کا کسی سے کیا کوئی وعدہ کیا تھا
عجیب بات ہے ان تیرگی کی راہوں میں
نفس نفس میں چراغاں ہے دیکھیے کیا ہو
تاروں کو گردشیں ملیں ذروں کو تابشیں
اے رہ نورد راہ جنوں تجھ کو کیا ملا
سفر خود رفتگی کا بھی عجب انداز تھا
کہیں پر راہ بھولے تھے نہ رک کر دم لیا تھا
اک وسعت خیال کہ لفظوں میں گھر گئی
لہجہ کبھی جو ہم کو کرم آشنا ملا
اس رہ گزر میں اپنا قدم بھی جدا ملا
اتنی صعوبتوں کا ہمیں یہ صلہ ملا
ہم سے بڑھی مسافت دشت وفا کہ ہم
خود ہی بھٹک گئے جو کبھی راستہ ملا
تاروں کو گردشیں ملیں ذروں کو تابشیں
اے رہ نورد راہ جنوں تجھ کو کیا ملا
ہر آن ستم ڈھائے ہے کیا جانیے کیا ہو
دل غم سے بھی گھبرائے ہے کیا جانیے کیا ہو
دنیا سے نرالے ہیں تری بزم کے دستور
جو آئے سو پچھتائے ہے کیا جانیے کیا ہو
آنکھوں کو نہیں راس کسی یاد کا آنسو
تھم تھم کے ڈھلک جائے ہے کیا جانیے کیا ہو
کیا غیر کو ڈھونڈیں کہ ترے کوچے میں ہر ایک
اپنا سا نظر آئے ہے کیا جانیے کیا ہو
زمیں پر گر رہے تھے چاند تارے جلدی جلدی
اندھیرا گھر کی دیواروں سے اونچا ہو رہا تھا
رات عجب آسیب زدہ سا موسم تھا
اپنا ہونا اور نہ ہونا مبہم تھا
ایک گل تنہائی تھا جو ہمدم تھا
خار و غبار کا سرمایہ بھی کم کم تھا
اس بحر میں ہم جیسوں پہ ہر موجۂ پر خوں
آ آ کے گزر جائے ہے کیا جانیے کیا ہو
آنکھ سے کٹ کٹ جاتے تھے سارے منظر
رات سے رنگ دیدۂ حیراں برہم تھا
روشنیاں اطراف میں زہراؔ روشن تھیں
آئینے میں عکس ہی تیرا مدھم تھا
خار خمیدہ سر تھے بگولے بے آواز
صحرا میں بھی آج کسی کا ماتم تھا
جاں دینا بس ایک زیاں کا سودا تھا
راہ طلب میں کس کو یہ اندازہ تھا
ہوا سکھی تھی میری، رت ہمجولی تھی
ہم تینوں نے مل کر کیا کیا سوچا تھا
آنکھوں میں دیدار کا کاجل ڈالا تھا
آنچل پہ امید کا تارہ ٹانکا تھا
ہاتھوں کی بانکیں چھن چھن چھن ہنستی تھیں
پیروں کی جھانجھن کو غصہ آتا تھا
ہر کونے میں اپنے آپ سے باتیں کیں
ہر پہچل پر آئینے میں دیکھا تھا
گردش مینا و جام دیکھیے کب تک رہے
ہم پہ تقاضا حرام دیکھیے کب تک رہے
شام ڈھلے آہٹ کی کرنیں پھوٹی تھیں
سورج ڈوب کے میرے گھر میں نکلا تھا
تیرا ستم ہم پہ عام دیکھیے کب تک رہے
تلخیٔ دوراں پہ نام دیکھیے کب تک رہے
چھا گئیں تاریکیاں کھو گیا حسن نظر
وعدۂ دیدار عام دیکھیے کب تک رہے
صبح کے سورج کی ضو دیکھیے کب تک نہ آئے
دہر پہ یہ رنگ شام دیکھیے کب تک رہے
اہل خرد سست رو اہل جنوں تیز گام
شوق کا یہ اہتمام دیکھیے کب تک رہے
کیوں گھر کے اب آئے ہیں یہ بادل یہ گھٹائیں
ہم نے تو تجھے دیر ہوئی یاد کیا تھا
ہر خار عنایت تھا ہر اک سنگ صلہ تھا
اس راہ میں ہر زخم ہمیں راہنما تھا
رک جا ہجوم گل کہ ابھی حوصلہ نہیں
دل سے خیال تنگی داماں گیا نہیں
ان آنکھوں سے کیوں صبح کا سورج ہے گریزاں
جن آنکھوں نے راتوں میں ستاروں کو چنا تھا
اے شیشہ گرو کچھ تو کرو آئنہ خانہ
رنگوں سے خفا رخ سے جدا یوں نہ ہوا تھا
جو کچھ ہیں سنگ و خشت ہیں یا گرد رہگزر
تم تک جو آئے ان کا کوئی نقش پا نہیں
صد حیف اس کے ہاتھ ہے ہر زخم کا رفو
دامن میں جس کے ایک بھی تار وفا نہیں
ہر آستاں پہ لکھا ہے اب نام شہر یار
وابستگان دل کے لئے کوئی جا نہیں
ہر حکمران آ کے بصد ناز و افتخار
سچی زمیں پہ کھینچتا ہے جھوٹ کا حصار
منصف کے بھی گلے میں ہے اک طوق فرد جرم
انصاف کس سے مانگتے ہم سے گناہ گار
عالم کی گفتگو سے بھی آتی ہے بوئے خوں
سودا نے اپنے شعروں میں لکھا ہے بار بار
صورت دل کشی رہی خواہش زندگی رہی
داغ دل خراب سے رات میں روشنی رہی
ہر مدرسے میں درس شہادت ہے سرخ رو
درس حیات سارے ہوئے نذر انتشار
تیرے سبھی کلاہ پوش کوہ غرور سے گرے
اپنی تو ترک سر کے بعد عشق میں برتری رہی
ساتویں آسمان تک شعلۂ علم و عقل تھا
پھر بھی زمین اہل دل کیسی ہری بھری رہی
آپ ہوا ہے مندمل گل نے بہار کی نہیں
شہرت دست چارہ گر زخم ہی ڈھونڈھتی رہی
چمکتی ہوئی دھوپ تیزی سے نکلی
گزرتی ہوئی بارشوں کو بلانے
کہتے ہیں ہر ادب میں ہے ایک صدائے بازگشت
میرؔ کے حسن شعر سے میری غزل سجی رہی
وہ برسوں کے بعد آج یکجا ہوئے ہیں
جو بیتی ہے اک دوسرے کو سنانے
ملی تھی خبر موسموں کو کہیں سے
کسی کنج گلشن میں ہیں دو دوانے
ہواؤں نے ضد کی کہ ہم بھی چلیں گے
لگیں ٹھنڈکیں اپنے پیکر سجانے
درختوں نے جھک جھک کے تعظیم بخشی
بڑھے سبزہ و گل بھی آنکھیں بچھانے
اپنا عکس بھی اکثر ساتھ چھوڑ جاتا ہے
یہ مآل خود بینی کاش شیشہ گر جانیں
جس عالم کو ہو کا عالم کہتے ہیں
وہ عالم تھا اور وہ عالم پیہم تھا
کبھی ان کی آنکھوں میں سورج نے جھانکا
کبھی ڈال دی ان پہ چادر گھٹا نے
کبھی ان کے چہروں کو بارش نے چوما
کبھی ان کا دامن بسایا صبا نے
مزید شاعری پڑھیے اور دوسرے شعراء کو دریافت کیجیے۔