تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجنگاہ شوخ جب اس سے لڑی ہے
تو بجلی تھرتھرا کر گر پڑی ہے
اسے بھی مجھ کو بھی ضد آ پڑی ہے
خرابی بیچ والوں کی بڑی ہے
قیامت میں قیامت کر گیا کون
کہ دل تھامے صف محشر کھڑی ہے
ہمارے دل میں آ کر سیر دیکھو خوب رویوں کی
کہ اندر کا اکھاڑا ہے پری زادوں کی محفل ہے
جھڑکتے ہو مجھے کیوں دور ہی سے پاس آنے دو
بڑھا کر ہاتھ دل دیتا ہوں تم سمجھے ہو سائل ہے
مدارج عشق کے طے ہو سکیں یہ ہو نہیں سکتا
زمیں سے عرش تک اے بے خبر منزل بمنزل ہے
کریں کیا رند توبہ مے سے زاہد
کہ یہ تو ان کی گھٹی میں پڑی ہے
قدم جمتا نہیں تیری گلی میں
کسی بیتاب کی میت گڑی ہے
عدو بھی تنگ ہے ان کے ستم سے
اسے اپنی مجھے اپنی پڑی ہے
ابھی میں نے کیا تھا یاد اس کو
وہ آیا عمر قاصد کی بڑی ہے
یہ کہتا ہے مرا شوق شہادت
تری تلوار پھولوں کی چھڑی ہے
وہ روٹھیں غیر سے تو ہم منائیں
پرائی آفت اپنے سر پڑی ہے
تجھے دیتا ہوں اپنی جان بھی میں
مرے دل سے مری ہمت بڑی ہے
ٹلیں وہ کب جو دل لینے پہ اڑ جائیں
یہ کیا کچھ کھیل چوسر کی اڑی ہے
بنا ہے مدعی پیغام بر بھی
جڑی ہے جب مری کھوٹی جڑی ہے
کیا ہے میں نے ضبط آہ جس دم
انی برچھی کی سینے میں گڑی ہے
گل بستر ستارے بن گئے ہیں
ترے ماتھے سے جب افشاں جھڑی ہے
الٰہی کب سحر ہوگی شب ہجر
قیامت کی گھڑی ہے جو گھڑی ہے
بگڑ کر ہم نے سو الزام پائے
اب ان کی ہر طرح سے بن پڑی ہے
کھل گئی بات جب ان کی تو وہ پوچھتے ہیں
منہ سے نکلی ہوئی ہوتی ہے پرائی کیونکر