تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجکبھی گئے تھے میاں جو خبر کے صحرا کی
وہ آئے بھی تو بگولوں کے ساتھ گھر آئے
میں نہ سنوں گا ماجرا معرکہ ہائے شوق کا
خون گئے ہیں رائیگاں رنگ ندامتوں میں ہیں
سامعۂ صدائے جاں بے سروکار تھا کہ تھا
ایک گماں کی داستاں بر لب نیم وا بھی تھی
گرد کا سارا خانماں ہے سر دشت بے اماں
شہر ہیں وہ جو ہر طرح گرد کی خدمتوں میں ہیں
پرتو رنگ ہے کہ ہے دید میں جانشین رنگ
رنگ کہاں ہیں رونما رنگ تو نکہتوں میں ہیں
وہ دل و جان صورتیں جیسے کبھی نہ تھیں کہیں
ہم انہیں صورتوں کے ہیں ہم انہیں صورتوں میں ہیں
ہے یہ وجود کی نمود اپنی نفس نفس گریز
وقت کی ساری بستیاں، اپنی ہزیمتوں میں ہیں
سو رہا ہے شام ہی سے شہر دل
شہر کے شب زندہ داراں کیا ہوئے
ایک سرود روشنی نیمۂ شب کا خواب تھا
ایک خموش تیرگی سانحہ آشنا بھی تھی
دل کے معاملے جو تھے ان میں سے ایک یہ بھی ہے
اک ہوس تھی دل میں جو دل سے گریز پا بھی تھی
موجودی سے انکاری ہے اپنی ضد میں ناز وجود
حالت سی حالت برپا ہے اللہ ہو کے باڑے میں
دل ترا پیشۂ گلہ کام خراب کر گیا
ورنہ تو ایک رنج کی حالت بے گلہ بھی تھی
ساری دنیا کے غم ہمارے ہیں
اور ستم یہ کہ ہم تمہارے ہیں
روح کل سے سب روحوں پر وصل کی حسرت طاری ہے
اک سر حکمت برپا ہے اللہ ہو کے باڑے میں
دل برباد یہ خیال رہے
اس نے گیسو نہیں سنوارے ہیں
رزم ہے خون کا حذر کوئی بہائے یا بہے
رستم و زال ہیں ملال یعنی کہ سام رنج ہے
جونؔ ہم زندگی کی راہوں میں
اپنی تنہا روی کے مارے ہیں
اس گلی سے جو ہو کے آئے ہوں
اب تو وہ راہرو بھی پیارے ہیں
ان رفیقوں سے شرم آتی ہے
جو مرا ساتھ دے کے ہارے ہیں
اور تو ہم نے کیا کیا اب تک
یہ کیا ہے کہ دن گزارے ہیں