شاعر کی معلومات لوڈ ہو رہی ہیں...
سوئے مے کدہ نہ جاتے تو کچھ اور بات ہوتی
وہ نگاہ سے پلاتے تو کچھ اور بات ہوتی
شاعر کی معلومات لوڈ ہو رہی ہیں...
agha hashar kashmiri
1879 – 1935
Agha Hashr’s real name was Agha Muhammad Shah. His father, Ghani Shah, came to Banaras from Kashmir for business and eventually settled there. Agha Hashr was born on April 1, 1879, in the Gobind Kalan neighborhood, Nariyal Bazaar, Banaras. Agha received his early education in Arabic and Persian, and he memorized sixteen parts (paras) of the Holy Quran. Later, he was enrolled in a missionary school, J. Narayan, but he had no interest in textbooks, so his formal education remained incomplete.Agha Hashar Kashmiri wrote plays in Urdu, Hindi and Bengali, some of which are original and some whose plots are derived from Western plays. Among the plays of Shakespeare that Agha Hashar Kashmiri has given an Urdu format, Shaheed Naaz, Syed Hos, Safid Khoon, and Khaab Hasti are very important. Agha Hashar Kashmiri has also written plays based on the epic stories of the Ramayana and the Mahabharata, which became very popular at that time.
ان کے کلام کے چند منتخب اشعار پڑھیے۔
سوئے مے کدہ نہ جاتے تو کچھ اور بات ہوتی
وہ نگاہ سے پلاتے تو کچھ اور بات ہوتی
گو ہوائے گلستاں نے مرے دل کی لاج رکھ لی
وہ نقاب خود اٹھاتے تو کچھ اور بات ہوتی
یہ بجا کلی نے کھل کر کیا گلستاں معطر
اگر آپ مسکراتے تو کچھ اور بات ہوتی
گو حرم کے راستے سے وہ پہنچ گئے خدا تک
تری رہ گزر سے جاتے تو کچھ اور بات ہوتی
یاد میں تیری جہاں کو بھولتا جاتا ہوں میں
بھولنے والے کبھی تجھ کو بھی یاد آتا ہوں میں
ایک دھندلا سا تصور ہے کہ دل بھی تھا یہاں
اب تو سینے میں فقط اک ٹیس سی پاتا ہوں میں
او وفا نا آشنا کب تک سنوں تیرا گلہ
بے وفا کہتے ہیں تجھ کو اور شرماتا ہوں میں
آرزوؤں کا شباب اور مرگ حسرت ہائے ہائے
جب بہار آئے گلستاں میں تو مرجھاتا ہوں میں
حشرؔ میری شعر گوئی ہے فقط فریاد شوق
اپنا غم دل کی زباں میں دل کو سمجھاتا ہوں میں
تم اور فریب کھاؤ بیان رقیب سے
تم سے تو کم گلہ ہے زیادہ نصیب سے
گویا تمہاری یاد ہی میرا علاج ہے
ہوتا ہے پہروں ذکر تمہارا طبیب سے
برباد دل کا آخری سرمایہ تھی امید
وہ بھی تو تم نے چھین لیا مجھ غریب سے
دھندلا چلی نگاہ دم واپسیں ہے اب
آ پاس آ کے دیکھ لوں تجھ کو قریب سے
چوری کہیں کھلے نہ نسیم بہار کی
خوش بو اڑا کے لائی ہے گیسوئے یار کی
اللہ رکھے اس کا سلامت غرور حسن
آنکھوں کو جس نے دی ہے سزا انتظار کی
گلشن میں دیکھ کر مرے مست شباب کو
شرمائی جا رہی ہے جوانی بہار کی
اے میرے دل کے چین مرے دل کی روشنی
آ اور صبح کر دے شب انتظار کی
جرأت تو دیکھئے گا نسیم بہار کی
یہ بھی بلائیں لینے لگی زلف یار کی
اے حشرؔ دیکھنا تو یہ ہے چودھویں کا چاند
یا آسماں کے ہاتھ میں تصویر یار کی
مزید شاعری پڑھیے اور دوسرے شعراء کو دریافت کیجیے۔