مکمل شاعری
عقل کی خار زار وادی میں
رکھ لیا ہے گمان کا ممکن
یہ زمین آسمان کا ممکن
نہیں سارے جہان کا ممکن
ہیں وہی نارسائی کے نغمے
اور وہی مہربان کا ممکن
لا مکانی ہی لا مکانی ہے
کھو چکا ہے مکان کا ممکن
کچھ مرے حال زار کا امکان
کچھ تری آن بان کا ممکن
اس بڑھاپے میں بھی ظفرؔ آ کر
کوئی دیکھے جوان کا ممکن
کچھ زیادہ تباہ کر نہ سکے
جسم کے ساتھ جان کا ممکن
آگے آگے ہوں میں مرے پیچھے
ہے مرے قدردان کا ممکن
دور تر ہے سراغ کا ساحل
دھند میں ہے نشان کا ممکن
— ظفر اقبال