مکمل شاعری

خواب سے پہلے کچھ نہیں یکسر

جو بھی ہے اس کے بعد ہے مجھ میں

آتش و انجماد ہے مجھ میں

کیسا کیسا تضاد ہے مجھ میں

جسے اب تک تلاش کرتا ہوں

گم شدہ ایک یاد ہے مجھ میں

رنج دل ہے ہرا بھرا اب تک

کوئی تو ہے جو شاد ہے مجھ میں

کوئی جلسہ ہے زور کا جیسے

جس کا یہ انعقاد ہے مجھ میں

آندھیاں سی جو چل رہی ہیں ظفرؔ

صورت خاک و باد ہے مجھ میں

زخم کھلتے ہیں سانس گھٹتی ہے

ایسی بست و کشاد ہے مجھ میں

دشمنی کا ہی رہ گیا سروکار

ورنہ کس کا مفاد ہے مجھ میں

کوئی اس کا سبب نہیں تو ہی

یہ جو اتنا فساد ہے مجھ میں

— ظفر اقبال