مکمل شاعری
اپنا دار و مدار دل پر ہے
آپ کا انحصار دنیا پر
ڈال رکھی تھی کوئی خود اس نے
چادر انتظار دنیا پر
حملہ آور ہوا خدا خود بھی
اس نحیف و نزار دنیا پر
جب جھڑا میرا آخری پتا
آ چکی تھی بہار دنیا پر
ہے کوئی اختیار دنیا پر
نہ ہمیں اعتبار دنیا پر
سارا الزام دھر دیا کیسا
ہم نے پایان کار دنیا پر
جب کوئی ابر جھوم کر برسا
چھا رہا تھا غبار دنیا پر
ہم پہ دنیا ہوئی سوار ظفرؔ
اور ہم ہیں سوار دنیا پر
یوں توقع ہی باندھنا تھی غلط
ایسی ناپائیدار دنیا پر
— ظفر اقبال