مکمل شاعری
کوئے جاناں میں اور کیا مانگو
حالت حال یک صدا مانگو
در مطلب ہے کیا طلب انگیز
کچھ نہیں واں سو کچھ بھی جا مانگو
ہر نفس تم یقین منعم سے
رزق اپنے گمان کا مانگو
اس شکم رقص گر کے سائل ہو
ناف پیالے کی تم عطا مانگو
منکران خدائے بخشندہ
اس سے تو اور اک خدا مانگو
گوشہ گیر غبار ذات ہوں میں
مجھ میں ہو کر مرا پتا مانگو
لاکھ جنجال مانگنے میں ہیں
کچھ نہ مانگو فقط دعا مانگو
ہے اگر وہ بہت ہی دل نزدیک
اس سے دوری کا سلسلہ مانگو
— سید حسین جون اصغر