مکمل شاعری
دو جہاں سے گزر گیا پھر بھی
میں رہا خود کو عمر بھر درپیش
اس کے دیدار کی امید کہاں
جب کہ ہے دید کو نظر درپیش
دل کو دنیا کا ہے سفر درپیش
اور چاروں طرف ہے گھر درپیش
ہے یہ عالم عجیب اور یہاں
ماجرا ہے عجیب تر درپیش
کس طرح کوچ پر کمر باندھوں
ایک رہزن کی ہے کمر درپیش
اب میں کوئے عبث شتاب چلوں
کئی اک کام ہیں ادھر درپیش
خلوت ناز اور آئینہ
خود نگر کو ہے خود نگر درپیش
اب مری جان بچ گئی یعنی
ایک قاتل کی ہے سپر درپیش
— سید حسین جون اصغر