مکمل شاعری

دم بھر تری ہوس سے نہیں ہے مجھے قرار

ہلکان ہو گیا ہوں تری دل کشی سے میں

روٹھا تھا تجھ سے یعنی خود اپنی خوشی سے میں

پھر اس کے بعد جان نہ روٹھا کسی سے میں

بانہوں سے میری وہ ابھی رخصت نہیں ہوا

پر گم ہوں انتظار میں اس کے ابھی سے میں

اس طور سے ہوا تھا جدا اپنی جان سے

جیسے بھلا سکوں گا اسے آج ہی سے میں

کچھ تو حساب چاہئے آئینے سے تجھے

لوں گا ترا حساب مری جاں تجھی سے میں

تو ہی حریم جلوہ ہے ہنگام رنگ ہے

جاناں بہت اداس ہوں اپنی کمی سے میں

اے طراحدار عشوہ طراز دیار ناز

رخصت ہوا ہوں تیرے لیے دل گلی سے میں

— سید حسین جون اصغر