مکمل شاعری

سوچا ہے کہ اب کار مسیحا نہ کریں گے

وہ خون بھی تھوکے گا تو پروا نہ کریں گے

اس بار وہ تلخی ہے کہ روٹھے بھی نہیں ہم

اب کے وہ لڑائی ہے کہ جھگڑا نہ کریں گے

اب نغمہ طرازان برافروختہ اے شہر

واسوخت کہیں گے غزل انشا نہ کریں گے

ایسا ہے کہ سینے میں سلگتی ہیں خراشیں

اب سانس بھی ہم لیں گے تو اچھا نہ کریں گے

یاں اس کے سلیقے کے ہیں آثار تو کیا ہم

اس پر بھی یہ کمرا تہ و بالا نہ کریں گے

— سید حسین جون اصغر