مکمل شاعری

مجھ کو خواہش ہی ڈھونڈنے کی نہ تھی

مجھ میں کھویا رہا خدا میرا

نکہت پیرہن سے اس گل کی

سلسلہ بے صبا رہا میرا

جز گماں اور تھا ہی کیا میرا

فقط اک میرا نام تھا میرا

تھوک دے خون جان لے وہ اگر

عالم ترک مدعا میرا

جب تجھے میری چاہ تھی جاناں

بس وہی وقت تھا کڑا میرا

آج میں خود سے ہو گیا مایوس

آج اک یار مر گیا میرا

کوئی مجھ تک پہنچ نہیں پاتا

اتنا آسان ہے پتا میرا

آ چکا پیش وہ مروت سے

اب چلوں کام ہو چکا میرا

— سید حسین جون اصغر