مکمل شاعری

نگھرے کیا ہوئے کہ لوگوں پر

اپنا سایہ بھی اب تو بھاری ہے

آپ میں کیسے آؤں میں تجھ بن

سانس جو چل رہی ہے آری ہے

ہجر ہو یا وصال ہو کچھ ہو

ہم ہیں اور اس کی یادگاری ہے

بے قراری سی بے قراری ہے

وصل ہے اور فراق طاری ہے

اس سے کہیو کہ دل کی گلیوں میں

رات دن تیری انتظاری ہے

جو گزاری نہ جا سکی ہم سے

ہم نے وہ زندگی گزاری ہے

اک مہک سمت دل سے آئی تھی

میں یہ سمجھا تری سواری ہے

بن تمہارے کبھی نہیں آئی

کیا مری نیند بھی تمہاری ہے

خوش رہے تو کہ زندگی اپنی

عمر بھر کی امیدواری ہے

حادثوں کا حساب ہے اپنا

ورنہ ہر آن سب کی باری ہے

— سید حسین جون اصغر