مکمل شاعری

رقص آشفتہ سراں دیکھیں گے

دور ان انجمن آراؤں سے دور

جنت فکر بلاتی ہے چلو

دیر و کعبہ سے کلیساؤں سے دور

کتنی شمعیں ہیں اسیر فانوس

کتنے یوسف ہیں زلیخاؤں سے دور

جستجو ہے در یکتا کی شکیبؔ

سیپیاں چنتے ہیں دریاؤں سے دور

سنگ منزل نے لہو اگلا ہے

دور ہم بادیہ پیماؤں سے دور

کشت امید سلگتی ہی رہی

ابر برسا بھی تو صحراؤں سے دور

جور حالات بھلا ہو تیرا

چین ملتا ہے شناساؤں سے دور

میٹھے چشموں سے خنک چھاؤں سے دور

زخم کھلتے ہیں ترے گاؤں سے دور

— شکیب جلالی