مکمل شاعری

اشکوں کی ایک نہر تھی جو خشک ہو گئی

کیوں کر مٹاؤں دل سے ترے غم کی چھاپ کو

پھر سن رہا ہوں گزرے زمانے کی چاپ کو

بھولا ہوا تھا دیر سے میں اپنے آپ کو

پہلے تو میری یاد سے آئی حیا انہیں

پھر آئنے میں چوم لیا اپنے آپ کو

کتنا ہی بے کنار سمندر ہو پھر بھی دوست

رہتا ہے بے قرار ندی کے ملاپ کو

رہتے ہیں کچھ ملول سے چہرے پڑوس میں

اتنا نہ تیز کیجیے ڈھولک کی تھاپ کو

تعریف کیا ہو قامت دل دار کی شکیبؔ

تجسیم کر دیا ہے کسی نے الاپ کو

— شکیب جلالی