مکمل شاعری

گھر گھر ہمیں قیام بھی آئے سفر بھی آئے

ہم شام شام کرتے تھے اور شام کر بھی آئے

ایسا تو ہے کہ گھر کو چلا گھر بھی چل پڑا

ایسا بھی کیا کہ گھر کو چلوں اور گھر بھی آئے

تیار رہنا چاہیئے اے خاک خال خال

جھونکا ادھر سے چل پڑا شاید ادھر بھی آئے

دیوار سے عذاب ٹلا کیا پتہ چلا

ایک اشتہار خالی کیا ایک بھر بھی آئے

پھر دیر ہو رہی تھی میں آ کے نکل گیا

کچھ دور تک تو ساتھ مرے خیر و شر بھی آئے

تاریخ جانتے ہیں مگر مانتے نہیں

ہم جب سے دیکھتے ہیں وہ تب سے نظر بھی آئے

— شاہین عباس