مکمل شاعری

مایوسیوں نے چھین لیے دل کے ولولے

وہ بھی نشاط روح کا ساماں نہ کر سکے

ہو کر خراب مے ترے غم تو بھلا دیے

لیکن غم حیات کا درماں نہ کر سکے

ٹوٹا طلسم عہد محبت کچھ اس طرح

پھر آرزو کی شمع فروزاں نہ کر سکے

کس درجہ دل شکن تھے محبت کے حادثے

ہم زندگی میں پھر کوئی ارماں نہ کر سکے

ہر شے قریب آ کے کشش اپنی کھو گئی

وہ بھی علاج شوق گریزاں نہ کر سکے

خودداریوں کے خون کو ارزاں نہ کر سکے

ہم اپنے جوہروں کو نمایاں نہ کر سکے

— ساحر لدھیانوی