مکمل شاعری

نرم و نازک ہلکے پھلکے روئی جیسے خواب تھے

آنسوؤں میں بھیگنے کے بعد بھاری ہو گئے

روشنی کی جنگ میں تاریکیاں پیدا ہوئیں

چاند پاگل ہو گیا تارے بھکاری ہو گئے

فیصلے لمحات کے نسلوں پہ بھاری ہو گئے

باپ حاکم تھا مگر بیٹے بھکاری ہو گئے

دیویاں پہنچیں تھیں اپنے بال بکھرائے ہوئے

دیوتا مندر سے نکلے اور پجاری ہو گئے

رکھ دیے جائیں گے نیزے لفظ اور ہونٹوں کے بیچ

ظل سبحانی کے احکامات جاری ہو گئے

— راحت اندوری