مکمل شاعری

محبتوں کے سفر پر نکل کے دیکھوں گا

یہ پل صراط اگر ہے تو چل کے دیکھوں گا

وہ میرے حکم کو فریاد جان لیتا ہے

اگر یہ سچ ہے تو لہجہ بدل کے دیکھوں گا

مذاق اچھا رہے گا یہ چاند تاروں سے

میں آج شام سے پہلے ہی ڈھل کے دیکھوں گا

سوال یہ ہے کہ رفتار کس کی کتنی ہے

میں آفتاب سے آگے نکل کے دیکھوں گا

عجب نہیں کہ وہی روشنی مجھ مل جائے

میں اپنے گھر سے کسی دن نکل کے دیکھوں گا

اجالے بانٹنے والوں پہ کیا گزرتی ہے

کسی چراغ کی مانند جل کے دیکھوں گا

— راحت اندوری