مکمل شاعری

ہزار پردوں میں خود کو چھپا کے بیٹھ مگر

تجھے کبھی نہ کبھی بے نقاب کر دوں گا

میں انتظار میں ہوں تو کوئی سوال تو کر

یقین رکھ میں تجھے لا جواب کر دوں گا

سسکتی رت کو مہکتا گلاب کر دوں گا

میں اس بہار میں سب کا حساب کر دوں گا

مجھے بھروسہ ہے اپنے لہو کے قطروں پر

میں نیزے نیزے کو شاخ گلاب کر دوں گا

مجھے گلاس کے اندر ہی قید رکھ ورنہ

میں سارے شہر کا پانی شراب کر دوں گا

مہاجنوں سے کہو تھوڑا انتظار کریں

شراب خانے سے آ کر حساب کر دوں گا

مجھے یقین کہ محفل کی روشنی ہوں میں

اسے یہ خوف کہ محفل خراب کر دوں گا

— راحت اندوری