مکمل شاعری

مجھے وہ چھوڑ گیا یہ کمال ہے اس کا

ارادہ میں نے کیا تھا کہ چھوڑ دوں گا اسے

پسینے بانٹتا پھرتا ہے ہر طرف سورج

کبھی جو ہاتھ لگا تو نچوڑ دوں گا اسے

بدن چرا کے وہ چلتا ہے مجھ سے شیشہ بدن

اسے یہ ڈر ہے کہ میں توڑ پھوڑ دوں گا اسے

مزہ چکھا کے ہی مانا ہوں میں بھی دنیا کو

سمجھ رہی تھی کہ ایسے ہی چھوڑ دوں گا اسے

کہیں اکیلے میں مل کر جھنجھوڑ دوں گا اسے

جہاں جہاں سے وہ ٹوٹا ہے جوڑ دوں گا اسے

— راحت اندوری