مکمل شاعری

خوشبو تو مدتوں کی زمیں دوز ہو چکی

اب صرف پتیوں کو ہوا میں اچھالیے

تہہ میں جو رہ گئے وہ صدف بھی نکالیے

طغیانیوں کا ہاتھ سمندر میں ڈالیے

اپنی حدوں میں رہئے کہ رہ جائے آبرو

اوپر جو دیکھنا ہے تو پگڑی سنبھالیے

صدیوں کا فرق پڑتا ہے لمحوں کے پھیر میں

جو غم ہے آج کا اسے کل پر نہ ٹالیے

کہہ دو صلیب شب سے کہ اپنی منائے خیر

ہم نے تو پھر چراغ سروں کے جلا لیے

آیا ہی تھا ابھی مرے لب پہ وفا کا نام

کچھ دوستوں نے ہاتھ میں پتھر اٹھا لیے

محسوس ہو رہا ہے کچھ ایسا مجھے قتیلؔ

نیندوں نے جیسے آج کی شب پر لگا لیے

دنیا کی نفرتیں مجھے قلاش کر گئیں

اک پیار کی نظر مرے کاسے میں ڈالیے

— قتیل شفائی