مکمل شاعری
عدو سے ربط بڑھا کر بھی کب روا ٹھہرا
یہ ہم کو وعدۂ فردا پہ ٹالتے رہنا
غم حیات کو حیرت میں ڈالتے رہنا
جہاں تلک بھی ہو ساغر اچھالتے رہنا
جلی ہوئی ہیں جو شمعیں اداس پلکوں پر
انہی سے قریۂ جاں کو اجالتے رہنا
اسی میں عشق کی صحت کا راز مضمر ہے
سدا کوئی نہ کوئی روگ پالتے رہنا
ابھی تو بات کرو ہم سے دوستوں کی طرح
پھر اختلاف کے پہلو نکالتے رہنا
قتیل ایک یہی شغل ہے پسند ہمیں
خیال یار کو شعروں میں ڈھالتے رہنا
— قتیل شفائی