مکمل شاعری

دیکھا جو اس کا دست حنائی قریب سے

احساس گونجتی ہوئی شہنائی بن گیا

کیا عشق تھا جو باعث رسوائی بن گیا

یارو تمام شہر تماشائی بن گیا

کرتا رہا جو روز مجھے اس سے بد گماں

وہ شخص بھی اب اس کا تمنائی بن گیا

پایا نہ جب کسی میں بھی آوارگی کا شوق

صحرا سمٹ کے گوشۂ تنہائی بن گیا

برہم ہوا تھا میری کسی بات پر کوئی

وہ حادثہ ہی وجہ شناسائی بن گیا

بن مانگے مل گئے مری آنکھوں کو رت جگے

میں جب سے ایک چاند کا شیدائی بن گیا

وہ تیری بھی تو پہلی محبت نہ تھی قتیلؔ

پھر کیا ہوا اگر کوئی ہرجائی بن گیا

تھا بے قرار وہ مرے آنے سے پیشتر

دیکھا مجھے تو پیکر دانائی بن گیا

— قتیل شفائی