مکمل شاعری

دل جلتا ہے شام سویرے

ایک چراغ اور لاکھ اندھیرے

لوگ سمجھتے ہیں سودائی

پیار نے اپنے بھی دن پھیرے

اپنا اپنا درد ہے ورنہ

کس کی گلیاں کیسے پھیرے

ان کا وہ معصوم تبسم

جیسے کوئی پھول بکھیرے

بھیگی پلکیں نیند سے خالی

چین کے دشمن رین بسیرے

اے غم دوراں اے غم جاناں

دل ہے ایک ستم بہتیرے

تو ہی بتا یہ درد ہے کیسا

پلکیں میری آنسو تیرے

کیسے پہنچے نیند آنکھوں تک

بیٹھا ہے دل رستہ گھیرے

— قتیل شفائی