مکمل شاعری

اس نے تو سدا پوجے ہیں اڑتے ہوئے جگنو

وہ چاند ستاروں کا پرستار ہی کب تھا

کیا اس کا گلا کیجے اسے پیار ہی کب تھا

وہ عہد فراموش وفادار ہی کب تھا

ہم ڈوب گئے جاگتی راتوں کے بھنور میں

ہاتھ اس کا ہمارے لیے پتوار ہی کب تھا

تم اس کو برے نام سے یارو نہ پکارو

یہ نام اسے باعث آزار ہی کب تھا

آواز جو میں دوں تو کسی اور کو چھو لے

اس آنکھ مچولی سے وہ بیزار ہی کب تھا

آموں کی حسیں رت کے سوا بھی تو وہ کوکے

لیکن کسی کوئل کا یہ کردار ہی کب تھا

مشہور زمانہ ہیں قتیلؔ اس کی اڑانیں

وہ دام محبت میں گرفتار ہی کب تھا

— قتیل شفائی