مکمل شاعری
ہر شے سے مقدس ہے خیالات کا رشتہ
کیوں مصلحتوں پر اسے قربان کیا جائے
وہ شخص جو دیوانوں کی عزت نہیں کرتا
اس شخص کا بھی چاک گریبان کیا جائے
آؤ کوئی تفریح کا سامان کیا جائے
پھر سے کسی واعظ کو پریشان کیا جائے
پہلے بھی قتیلؔ آنکھوں نے کھائے کئی دھوکے
اب اور نہ بینائی کا نقصان کیا جائے
مفلس کے بدن کو بھی ہے چادر کی ضرورت
اب کھل کے مزاروں پہ یہ اعلان کیا جائے
بے لغزش پا مست ہوں ان آنکھوں سے پی کر
یوں محتسب شہر کو حیران کیا جائے
— قتیل شفائی