مکمل شاعری

آندھی نے ان رتوں کو بھی بے کار کر دیا

جن کا کبھی ہما سا پرندہ نصیب تھا

قدموں میں بھی تکان تھی گھر بھی قریب تھا

پر کیا کریں کہ اب کے سفر ہی عجیب تھا

نکلے اگر تو چاند دریچے میں رک بھی جائے

اس شہر بے چراغ میں کس کا نصیب تھا

کچھ اپنے آپ سے ہی اسے کشمکش نہ تھی

مجھ میں بھی کوئی شخص اسی کا رقیب تھا

مقتل سے آنے والی ہوا کو بھی کب ملا

ایسا کوئی دریچہ کہ جو بے صلیب تھا

پوچھا کسی نے مول تو حیران رہ گیا

اپنی نگاہ میں کوئی کتنا غریب تھا

— پروین شاکر