مکمل شاعری
کوئی تو حق شناس ہو یا رب
ظلم کو نارواں کہے کوئی
غیرت عشق کو قبول نہیں
کہ تجھے بے وفا کہے کوئی
کب تلک مدعا کہے کوئی
نہ سنو تم تو کیا کہے کوئی
ہر کوئی اپنے غم میں ہے مصروف
کس کو درد آشنا کہے کوئی
جی میں آتا ہے کچھ کہوں ناصرؔ
کیا خبر سن کے کیا کہے کوئی
آرزو ہے کہ میرا قصۂ شوق
آج میرے سوا کہے کوئی
وہ نہ سمجھیں گے ان کنایوں کو
جو کہے برملا کہے کوئی
منت نا خدا نہیں منظور
چاہے اس کو خدا کہے کوئی
کون اچھا ہے اس زمانے میں
کیوں کسی کو برا کہے کوئی
— ناصر کاظمی