مکمل شاعری
بن میں علاحدگی سی ہے اس کے جمال سبز سے
دائم فضا فراق کی شجر پیر کے سبب
وسعت شہر تنگ دل سرما کی صبح سرد میں
جاگی ہے ڈر کے خواب سے صورت فقیر کے سبب
نیل فلک کے اسم میں نقش اسیر کے سبب
حیرت ہے آب و خاک میں ماہ منیر کے سبب
صحن مکاں میں شل ہے دست دعائے آگہی
دل میں ہے شوق بے حساب حد کی لکیر کے سبب
سحر ہے موت میں منیرؔ جیسے ہے سحر آئنہ
ساری کشش ہے چیز میں اپنی نظیر کے سبب
زخم وجود کی دوا بس وہی آخری صدا
زندہ ہوں جس کے شوق میں صبر کبیر کے سبب
— منیر نیازی