مکمل شاعری

جو لوگ چاہیں تو پھر تمہیں یاد بھی نہ آئیں

کبھی کبھی تم مجھے بھی ان میں شمار کرنا

بچھڑ کے مجھ سے یہ مشغلہ اختیار کرنا

ہوا سے ڈرنا بجھے چراغوں سے پیار کرنا

کھلی زمینوں میں جب بھی سرسوں کے پھول مہکیں

تم ایسی رت میں سدا مرا انتظار کرنا

تمام وعدے کہاں تلک یاد رکھ سکو گے

جو بھول جائیں وہ عہد بھی استوار کرنا

کسی کو الزام بے وفائی کبھی نہ دینا

مری طرح اپنے آپ کو سوگوار کرنا

میں زندگی سے نہ کھل سکا اس لیے بھی محسنؔ

کہ بہتے پانی پہ کب تلک اعتبار کرنا

یہ کس کی آنکھوں نے بادلوں کو سکھا دیا ہے

کہ سینۂ سنگ سے رواں آبشار کرنا

— محسن نقوی