مکمل شاعری

ہو کے استاد دبستان سخن میں سوداؔ

شعر کے قاعدہ دانان جہاں پر آیا

موسم شیب میں بے فائدہ ہے لعب شباب

کب ثمر دیوے ہے جو نخل خزاں پر آیا

چشم انجم پہ نہیں ابر سے وہ روز سیاہ

جو مرے دیدۂ خوں ناب چکاں پر آیا

صدمہ ہر چند ترے جور سے جاں پر آیا

تس پہ شکوہ نہ کبھی میری زباں پر آیا

رات کو دیکھ کے اے ماہ تجھے غیر کے ساتھ

طعنہ زن دل کا مرے گل کے کتاں پر آیا

دل پر خوں کو مرے غنچۂ تصویر کی طرح

لب وا شد نہ کبھی راز نہاں پر آیا

راست کیشوں کی تف آہ سے ڈر اے سرکش

تیر پھرتا نہیں جس وقت نشاں پر آیا

— محمد رفیع سودا