مکمل شاعری

فروغ بدر نہ باقی رہا نہ بت کا شباب

زوال ہی کے لیے ہر کمال ہوتا ہے

کہاں ثبات کا اس کو خیال ہوتا ہے

زمانہ ماضی ہی ہونے کو حال ہوتا ہے

میں چاہتا ہوں کہ بس ایک ہی خیال رہے

مگر خیال سے پیدا خیال ہوتا ہے

بہت پسند ہے مجھ کو خموشی و عزلت

دل اپنا ہوتا ہے اپنا خیال ہوتا ہے

سوسائٹی سے الگ ہو تو زندگی دشوار

اگر ملو تو نتیجہ ملال ہوتا ہے

وہ توڑتے ہیں تو کلیاں شگفتہ ہوتی ہیں

وہ روندتے ہیں تو سبزہ نہال ہوتا ہے

پسند چشم کا ہرگز کچھ اعتبار نہیں

بس اک کرشمۂ وہم و خیال ہوتا ہے

— مرزا اسد اللہ بیگ خان