مکمل شاعری

سر پائے خم پہ چاہیے ہنگام بے خودی

رو سوئے قبلہ وقت مناجات چاہیے

مسجد کے زیر سایہ خرابات چاہیے

بھوں پاس آنکھ قبلۂ حاجات چاہیے

مے سے غرض نشاط ہے کس رو سیاہ کو

اک گونہ بے خودی مجھے دن رات چاہیے

سیکھے ہیں مہ رخوں کے لیے ہم مصوری

تقریب کچھ تو بہر ملاقات چاہیے

دے داد اے فلک دل حسرت پرست کی

ہاں کچھ نہ کچھ تلافئ مافات چاہیے

نشوونما ہے اصل سے غالبؔ فروع کو

خاموشی ہی سے نکلے ہے جو بات چاہیے

عاشق ہوئے ہیں آپ بھی ایک اور شخص پر

آخر ستم کی کچھ تو مکافات چاہیے

یعنی بہ حسب گردش پیمانۂ صفات

عارف ہمیشہ مست مے ذات چاہیے

ہے رنگ لالہ و گل و نسریں جدا جدا

ہر رنگ میں بہار کا اثبات چاہیے

— مرزا اسد اللہ بیگ خان