مکمل شاعری
خبر لے پیر کنعاں کی کہ کچھ آج
نپٹ آوارہ بوئے پیرہن ہے
نہیں دامن میں لالہ بے ستوں کے
کوئی دل داغ خون کوہ کن ہے
کروں کیا حسرت گل کو وگرنہ
دل پر داغ بھی اپنا چمن ہے
کلی کہتے ہیں اس کا سا دہن ہے
سنا کریے کہ یہ بھی اک سخن ہے
ٹپکتے درد ہیں آنسو کی جاگا
الٰہی چشم یا زخم کہن ہے
جو دے آرام ٹک آوارگی میرؔ
تو شام غربت اک صبح وطن ہے
شہادت گاہ ہے باغ زمانہ
کہ ہر گل اس میں اک خونیں کفن ہے
— مير تقی میر