مکمل شاعری

ہمیں آمد میرؔ کل بھا گئی

طرح اس میں مجنوں کی سب پا گئی

کیے دست و پا گم جو میرؔ آ گیا

وفا پیشہ مجلس اسے پا گئی

کیا پاس بلبل خزاں نے نہ کچھ

گل و برگ بے درد پھیلا گئی

کہاں کا غبار آہ دل میں یہ تھا

مری خاک بدلی سی سب چھا گئی

ہوئی سامنے یوں تو ایک ایک کے

ہمیں سے وہ کچھ آنکھ شرما گئی

گھٹا شمع ساں کیوں نہ جاؤں چلا

طبع غم جگر کو مرے کھا گئی

جگر منہ تک آتے نہیں بولتے

غرض ہم بھی کرتے ہیں کیا کیا گئی

نہ ہم رہ کوئی نا کسی سے گیا

مری لاش تا گور تنہا گئی

کوئی رہنے والی ہے جان عزیز

گئی گر نہ امروز فردا گئی

— مير تقی میر