مکمل شاعری
شعلۂ آہ جوں توں اب مجھ کو
فکر ہے اپنے ہر بن مو کا
رات پیاسا تھا میرے لوہو کا
ہوں دوانہ ترے سگ کو کا
بوسہ دینا مجھے نہ کر موقوف
ہے وظیفہ یہی دعا گو کا
نام اس کا لیا ادھر اودھر
اڑ گیا رنگ ہی مرے رو کا
میرؔ ہر چند میں نے چاہا لیک
نہ چھپا عشق طفل بد خو کا
ہے مرے یار کی مسوں کا رشک
کشتہ ہوں سبزۂ لب جو کا
شور قلقل کے ہوتی تھی مانع
ریش قاضی پہ رات میں تھوکا
میں نے تلوار سے ہرن مارے
عشق کر تیری چشم و ابرو کا
عطر آگیں ہے باد صبح مگر
کھل گیا پیچ زلف خوشبو کا
ایک دو ہوں تو سحر چشم کہوں
کارخانہ ہے واں تو جادو کا
— مير تقی میر