مکمل شاعری
بلا جس چشم کو کہتے ہیں مردم
وہ ہے عین بلا مسکن ہمارا
گئے جوں شمع اس مجلس میں جتنے
سبھوں پر حال ہے روشن ہمارا
کیا تھا ریختہ پردہ سخن کا
سو ٹھہرا ہے یہی اب فن ہمارا
چمن میں ہم بھی زنجیری رہے ہیں
سنا ہوگا کبھو شیون ہمارا
ہوا رونے سے راز دوستی فاش
ہمارا گریہ تھا دشمن ہمارا
گریباں سے رہا کوتہ تو پھر ہے
ہمارے ہاتھ میں دامن ہمارا
نہ بہکے میکدے میں میرؔ کیوں کر
گرو سو جا ہے پیراہن ہمارا
بہت چاہا تھا ابر تر نے لیکن
نہ منت کش ہوا گلشن ہمارا
ادھر آ کر شکار افگن ہمارا
مشبک کر گیا ہے تن ہمارا
— مير تقی میر